Nyɛ̀nɛ̀ŋ 7:44 - WƆŊ FƐ̀Ì EBÒ SÌÀŊ DAYÀA

⁴⁴ Wo Siiwììŋ naŋ wa ɓɛìŋ woò wààŋ, “Aŋ nèwàènèwe wi nyàŋ kuwa wa ke Vààyà mìè sèì Dayàa, ke yèɛ naŋ wa tɔɔ̀ kɛ̀ wo Dayà kòò wò yaà nyiìŋ nèè tɛɛ ke fòùngà e diì wòaà sùà. Kè naŋ wa nɔ̀ŋ bàne nyiŋ màànààŋ wo Dayà naŋ wòò wo Mòòze, e kìlà kè naŋ wa tèènè ke yèɛ wo Mòòze naŋ wa yɛmɛ̀ e teengaà wò yaà wa wɔŋ tolòɔ dìmɛ̀ lɛ.

Nyɛ̀nɛ̀ŋ 7:44 ပူးပေါင်းရင်းမြစ်များ

Hiɓu 8:2

Wò yaà wo ɓɔìjɔ̀à wèè wo Dayà, e kìlà wuŋ nàŋ yaà kànà sìèfèìŋ zòòlo gbeeɔ̀ wèè ko Nɛ̀nɛ̀ŋ Nɛɛmaŋ Gbeeì wèè Dayà, ke vààyà saaŋ kɛnɛɛ̀ dìì ke yèɛ wo Kanaà Dayà naŋ wa nyɛ̀lɛ̀ yɛ. Anyuùŋ kpùuŋ nàŋ gò nyiŋ wa nyɛ̀lɛ̀.

Hiɓu 8:5

E tòmò sìèfèìŋ zòòloɛ̀ aŋ sìèfèìŋ zòòlo nyɛɛ̀ŋ nyɛnɛŋ lɛ̀, è naŋ nɔŋ tèènè e kìlà è yaà wɔŋ mììmììŋ e yèɛ yaà ko àìjɛnɛ̀ŋ lɛ. È yaà nɔŋ mààŋ wo Mòòze naŋ wa nyɛ̀nɛ̀ŋ lɛ. Nààŋ wò naŋ wa ɗewè wèè wo nyɛ̀lɛ̀ ke Vààyà mìè sèì Dayàa wèè zòòlo, wo Dayà nauŋ woò wààŋ, “Kɛ̀ɛ̀nɛɛ̀ŋ jii jàa muŋ nyɛ̀lɛ̀ nyiŋ ke nɔ̀ŋ mààŋ e ɗewe kiiɛ̀ mùŋ naŋ nyiŋ wa yɛmɛ̀ lɛ wɔŋ toò gbeeɔ̀ dìmɛ̀.”