Nyɛ̀nɛ̀ŋ 7:35 - WƆŊ FƐ̀Ì EBÒ SÌÀŊ DAYÀA

³⁵ “Wo Mòòze nàŋ yaà wa wo nyùnɔ̀ɔŋ anyùùŋ Ezɔ̀ɛ̀ nyaŋ gò wa jàà kùàŋ dìì wɔ. Àŋ nauŋ wa dawè nyààŋ, ‘Ɓòò naum nyɛ̀nɛ̀ŋ wo kana yèè wo nyuùŋ gbàì gòlàà diɛŋ wi?’ Wuŋ nàŋ yaà wo nyùnɔ̀ɔŋ wo Dayà naŋ wa tùɔ̀ŋ wèè wo nɔ̀ŋ wo sìèfèìŋ anyùùŋ nyaŋ, e kìlà wèè wo nyiŋ gè e mɔ̀ɔ̀nɛŋ nyiŋ nɛ̀ dìì e yìwìà e kpùùmàŋ wo màikàa nauŋ wa fòlò feìŋ wɔ e ɓìè hmɔɔ̀ŋ kùwa gbeeɛ̀ sùà wɔ.

Nyɛ̀nɛ̀ŋ 7:35 ပူးပေါင်းရင်းမြစ်များ

Luù 19:14

Kɛɛ anyùùŋ wuŋ bi nyàŋ wɔŋ fuɔuŋ nɔɔ̀ŋ nauŋ wa wùɔ̀ŋ. Kpeiŋ àŋ naŋ tùɔ̀ŋ aŋ keela wɔŋ fuɔŋ joo bi sùà wèè aŋ woò nyààŋ, ‘E manàìŋ wò felaa wɛɛ̀ wò do nɔ̀ŋ wò kana wiɔ̀.’

Jɔ̀ɔŋ 18:40

Kɛɛ aŋ kànà sìèfèìŋ zòòlo nyàŋ yèè e faaàŋ naŋ kpààŋ sɛiŋ nyààŋ, “Kpele, e manàuŋ! Kìɛ̀ŋ wi wo Bàlaɓà.” Wo Bàlaɓà zà naŋ wa jìwè wo nyùùŋ bà e tèèngà e gbɔ̀ɔ̀ e kànà fuɔɔ̀ŋ bà.

Jɔ̀ɔŋ 19:15

Yèè anyùùŋ nyaŋ naŋ kpààŋ sɛiŋ nyààŋ, “Jiwàuŋ! Jiwàuŋ! Kpùùnyaàuŋ wɔŋ vànèkpaaà diɛŋ!” Yèè wo Paalè naŋ nyiŋ dawè wààŋ, “Nìŋ manaŋ ka kpùùnyàŋ wo kanaiŋ nɔɔ̀ŋ wɔŋ vànèkpaaà diɛŋ?” Yèè aŋ kànà sìèfèìŋ zòòlo nyàŋ naŋ fasaì nyààŋ, “Wo kanaà nɔŋ è kùwàìŋ wɔ nàŋ yaà wo Siisɔ̀, wo kànà anyùùŋ ko Luùm nyaŋ.”

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Nyɛ̀nɛ̀ŋ 3:22

Wo Mòòze naŋ woò wààŋ, ‘Wo Kanaà Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ. Wò do nàŋ nɔ̀ŋ wo wùìyaiŋ nɔɔ̀ŋ bà guùŋ, jɔ̀ɔ̀lɔìŋ e yèɛ gbiŋ wò doiŋ nàŋ woò lɛ dìì.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 7:30

“Nààŋ maŋ doa kpɛ̀ɛ̀ùŋ tìyèe naŋ mààŋ, wo màikà naŋ fòlò wo Mòòze feìŋ e ɓìè hmɔɔ̀ŋ kùwa gbee sùà ke fòngà e diì wòaà diɛŋ e gbɛ̀ɛ̀ wɔŋ Tòò Sanàa.

Nyɛ̀nɛ̀ŋ 7:51

Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Kòlo 1:15

Wo Jisɛ̀ Kulaì nàŋ yaà wo yèɔ naŋ tèènè wo Dayàa e fèiŋ yɛmɛ̀ wɔ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ, wo yèɔ kuwa gààŋ manɛ̀ŋ bànè Dayà maŋ gbiŋ diɛŋ wɔ̀.

Hiɓu 2:2

Ke miè gbìaàŋ aŋ màikà nyaŋ naŋ wa kìɛ̀ŋ aŋ nèwàènèwe wi nyàŋ lɛ, naŋ wa tɔɔ̀ kɛ̀ kè yaà tɔ̀ɔ̀nyaàŋ, yèè anyùùŋ nyaŋ gò nyiŋ wa dè màŋjɛ̀wɛ ɔ̀ɔ̀ aŋ nyiŋ jɔ̀ɔ̀lɔ̀ dìì nyaŋ, naŋ wa kùwò e nimilàa naŋ nyiŋ wa sɔ̀ dèè lɛ.

Maŋ kèì nyɛɛnɛŋ 15:3

e kìlà àŋ yaà dàa suà maŋ nùŋ Mòòze màŋ, wo ɓɔ̀ìjɔ̀à Dayàa, yaà wɔŋ nùŋ Ɓaawaaà nyààŋ, “Kanaà Dàyà Gaàŋ Gbeeɔ̀, màŋ nyɛ̀nɛ̀ŋ maŋ keì gbee yaà maŋ kèè mèè zimgbe! Mùŋ yaà wo Kana wèè anyùùŋ nyaŋ maŋ fuɔŋ màŋ gbiŋ sùà! Maŋ kpèèuŋ màŋ yaà tɔ̀ɔ̀nyaàŋ yèè mùŋ naŋ jilɛ̀ŋ e teenga gbiŋ.