Nyɛ̀nɛ̀ŋ 6:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 6:9 ပူးပေါင်းရင်းမြစ်များ

Maafiù 10:17

Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 27:32

Nààŋ àŋ yaà wa kɔɔyɛ, àŋ naŋ mɛ̀ɛ̀ŋ wo felaa bà àŋ nyaaŋ Saimɔ̀ŋ e yìwìà ko Sàlinìŋ, yèè aŋ kààlòòɗùà nyaŋ nauŋ kùwò wèè wo koà wɔŋ vànèkpàà Jisɛ̀ɔ.

Luù 21:12

Wèè paŋ maŋ keì mɛɛ̀ŋ gbiŋ maŋ kaaìŋ, anyùùŋ doiŋ nàŋ kùwò aiŋ kòà ke sàwà wèè aiŋ gbaì. Àŋ doiŋ nàŋ kɔ̀ɔ̀ maŋ sààŋ zòòlò aŋ Juùù nyaŋ dìì e kìlà àŋ doiŋ nàŋ gbìɛ̀ŋ ko sààŋ nyìwì. Nìŋ do nàŋ sìè aŋ kana yaà aŋ ɓɛ̀mànɗì fuɔŋ fɛɛ̀feìŋ wèè esàɓù e deè mɛ̀.

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:41

Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 19:26

Yèè nàŋ niŋ naàŋ yɛmɛ̀ yèè nàŋ niŋ kòmàŋ nyɛ̀iŋ bi tɛ̀ɛ̀ e nyaàiŋ dè e yèɛ wo felaa wɛɛ̀, wo Pɔɔ̀ yaà woo koɓɛ̀ anyuùŋ zimgbe lɛ̀. Yèè wo fè nɔŋ wòò è keì lɛɛ̀ kò Ɛfesɔ̀ kuŋ guùŋ, kɛɛ ebɛ̀ŋ maŋ tàta màŋ gbiŋ sùà ko Eesìà. Wò naŋ nyɛ̀nɛ̀ŋ anyùùŋ nyaŋ aŋ nyìmàŋ kɛ̀ aŋ dayà nyaŋ anyuùŋ kpùuŋ baanàŋ le sìwè nyaŋ aŋ fè àŋ dayà kɛnɛ.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 21:39

Wo Pɔɔ̀ naŋ fasàì wààŋ, “Kpele! Mìŋ yaà wo Juùù nyuuŋ, àŋ naim kùmìè ko Tasɔ̀, ko jawa gbee kɛnɛì bà guùŋ wɔŋ fùɔ̀ŋ Sèlesìàa. Kɔ̀nɛɛ̀ŋ tɔ̀ miŋ gbòà koɓɛ̀ anyùùŋ nyɛɛ̀ŋ.”

Nyɛ̀nɛ̀ŋ 22:19

Mìŋ naŋ fàsàì mìàŋ, ‘Kanaà, anyùùŋ nyaŋ nyìmàŋ kɛ̀ mìŋ naŋ wa kùwò anyuùŋ zimgbe maŋ sààŋ zòòlò aŋ Juùù nyaŋ dìì yèè mìŋ naŋ ɓùlò anyùùŋ nyaŋ naum wa haawè nyaŋ.

Nyɛ̀nɛ̀ŋ 22:3

Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Nyɛ̀nɛ̀ŋ 23:34

Wo kanaà naŋ kpɛ̀nɛ̀ŋ wɔŋ fɛiɔ̀, yèè wò naŋ dàwè wo Pɔɔ̀ kɛ̀ fuɔɔ̀ŋ kòò wuŋ wò yewe, yèè wo Pɔɔ̀ nauŋ woò wààŋ wò yewe ko Sèlesìà.

Nyɛ̀nɛ̀ŋ 24:18

Aŋ Juùù nyaŋ bà nyiŋ naim yɛmɛ̀ ko jɔ̀ɔ̀lègbèè Zòòlò Dayài, nààŋ mìŋ naŋ kpɛ̀ɛ̀yɛ̀ nyɛ̀nɛ̀ŋ e làngì ke nyɛ̀nɛŋ zɛ̀nɛɛ̀ŋ, ke yèɛ nyɛnɛŋ wo nyùùŋ zɛ̀nɛ̀ŋ. Tɛɛ̀ àŋ naim mɛɛ̀ŋ mìŋ yaà mɛ̀iŋ nyinie ko Saaŋ Zòòlò Dayài. Miŋ gòo kòà kè gbòò ànyùùŋ, e kìlà miŋ gòo dàà kè gbòà.

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

Nyɛ̀nɛ̀ŋ 6:10

Kɛɛ wo Jìnàŋ wo Kanaà Dayà naŋ wa kìɛ̀ŋ wo Siiwììŋ e jiikɛ̀ɛ, yèè nààŋ wò naŋ wa gbòò, aŋ felaa nyàŋ gòuŋ wa ɓɛ̀nɛ̀ŋ fàsai.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

Gàla 1:21

Eɓìèmàŋjɛ̀wɛ̀ tii, mìŋ naŋ kɔ̀ wɔŋ fùɔ̀ŋ Siilìàa yèè wɔŋ fùɔ̀ŋ Sèlesìà.