Nyɛ̀nɛ̀ŋ 6:8 - WƆŊ FƐ̀Ì EBÒ SÌÀŊ DAYÀA

⁸ Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

Nyɛ̀nɛ̀ŋ 6:8 ပူးပေါင်းရင်းမြစ်များ

Jɔ̀ɔŋ 4:48

Wo Jisɛ̀ naŋ wòò wo kenàaŋ wààŋ, “Nyɛ̀iŋ nààŋ bà nyiŋ naàŋ kɛ̀ɛ̀nɛ̀ŋ è hààwe sɔɔ̀ nɔ̀ŋ naŋ yɛ̀mɛ̀ e kèè mèè yèè maŋ tɔ̀ɔ̀màŋsèì keì maŋ kaaìŋ!”

Nyɛ̀nɛ̀ŋ 6:10

Kɛɛ wo Jìnàŋ wo Kanaà Dayà naŋ wa kìɛ̀ŋ wo Siiwììŋ e jiikɛ̀ɛ, yèè nààŋ wò naŋ wa gbòò, aŋ felaa nyàŋ gòuŋ wa ɓɛ̀nɛ̀ŋ fàsai.

Nyɛ̀nɛ̀ŋ 6:15

Anyùùŋ gbèègbèè fuɔɔ̀ŋ kinɛiŋ jaao wa nyàŋ naŋ gɔ̀àì wo Siiwììŋ le fɛ̀ɛ̀ yèè àŋ naŋ weè yɛmɛ̀ kɛ̀ wɔŋ dewàuŋ nɔɔ̀ŋ yaà mààŋ wɔŋ fèìŋ wo màikà.

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 7:55

Kɛɛ wo Siiwììŋ, wo yèɔ wo Jìnàŋ Nɛɛmaàŋ naŋ wa dìèsùà wɔ, naŋ gè fɛ̀ɛ̀ dìì wo yɛ̀mɛ̀ ko àìjɛnɛ̀ŋ, yèè wò naŋ yɛ̀mɛ̀ e gbòlòùŋ Dayaà yèè wo Jisɛ̀ sia wɔŋ kùàŋ jìkà Dayàa.

Nyɛ̀nɛ̀ŋ 8:6

Anyùùŋ nyaŋ gbiŋ naŋ wa jàà maŋ nùŋ dìì tɛ̀ɛ̀ wèè aŋ kùmìàŋ e yèɛ wo Felè yaà wa woo lɛ̀, nààŋ wò yaà wa nyìnìè maŋ kèì mèè yèè maŋ tɔ̀ɔ̀màŋsèì keì.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

1Time 3:13

Aŋ ɓɔìjɔ̀à kpùùmàŋ aŋ sìèfèìŋ anyuùŋ hààwe nyàŋ nyɛnɛŋ e tòmo nyiŋ nɛ̀ tɛ̀ɛ̀ nyaŋ, àŋ kɛɛnɛ̀ŋ ko sìè siaŋ wèè nyiiŋ bi, yèè aŋ fè gbùùyà è jùù wèè è hààwe nyiŋ nɛ̀ wò Jisɛ̀ Kulaì sùà.