Nyɛ̀nɛ̀ŋ 6:14 - WƆŊ FƐ̀Ì EBÒ SÌÀŊ DAYÀA

¹⁴ È naiŋ kòmò wò naŋ woò wààŋ, wo Jisɛ̀ wɛɛ̀ e yìwìà ko Naazɔ̀ɛ̀ do naŋ gɔ̀ɛ̀ ke sààŋ zòòlò aŋ Juùù nyaŋ yèè e kìlà wo vɔ̀ɔ̀nɔ̀ŋ maŋ langi maŋ gbiŋ wo Mòòze naŋ wi kiɛ̀ŋ maŋ!”

Nyɛ̀nɛ̀ŋ 6:14 ပူးပေါင်းရင်းမြစ်များ

Maafiù 26:61

“È naiŋ wa kòmò wò naŋ woò wààŋ, ‘Kà ɓɛ̀nɛ̀ŋ gɔ̀ɛ̀ɛ̀ ke Saaŋ Zòòlò Dayàa, yèè ka ɓèmè e gɔ̀ɛ̀ɛ̀ taai ka nyiŋ nyɛ̀lɛ̀.’ ”

Luù 21:24

Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.

Luù 21:6

“Nàŋ yɛ̀mɛ̀ maŋ dùò mɛɛ̀ŋ gbiŋ? E teenga do nàŋ hnè ke dùò guùŋ pɛɛ ke naàŋ jèè hàwè kè dàwi nyiŋ nɛɛ̀ŋ diɛŋ, maŋ gbiŋ do nàŋ sɔ̀ɔ̀.”

Jɔ̀ɔŋ 2:19

Wo Jisɛ̀ naŋ fasàì wààŋ, “Sèè nìŋ gɔɛɛ ke Saaŋ Zòòlò Dayà yɛɛ̀, mìŋ do nàŋ ɓèmè maŋ ɗɔ̀ɔ̀ taai wèè ka nyiŋ ɓɛìŋ nyɛ̀lɛ̀.”

Jɔ̀ɔŋ 4:21

Wo Jisɛ̀ naŋ fasàì wo nìeɔ̀ yèè wò nauŋ woò wààŋ, “Nìe wɛɛ̀, hààweè e yèɛ mìŋ yààùm wòo sùà lɛ, e teengaà kòò è yaà hinie e yèɛ wo nyùùŋ gbiŋ naàŋ ɓɛìŋ zòòlò wò Dèdaà wɔ̀ŋ toò gbee wɛɛ̀ŋ dìmɛ̀ ɔ̀ɔ̀ kò Jùlusɛ̀làm.

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 21:21

Anyuùŋ hààwe nyàŋ naŋ kòmò kɛ̀ muàŋ nàŋ yaà kàà sùà aŋ Juùù nyaŋ maŋ fùɔ̀ŋ anyùùŋ nyaŋ fè àŋ Juùù nyaŋ sùà kɛ̀, ɓɔ̀ àŋ jɔɔlɔ̀ màŋ Sàwà Mòòze màŋ dìì, yèè mààŋ ɓɔ̀ àŋ jàà àŋ jɔ̀à nyiŋ nyàŋ kpùa ɔ̀ɔ̀ ɓɔ̀ àŋ dè langi wilɛ̀ màŋjɛ̀wɛ.

Nyɛ̀nɛ̀ŋ 25:8

Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 26:3

ɓɔɔɓɔɔ ngèè màŋ nyìmàŋ e zimgbe niŋ e nyaàiŋ dè e làngì zòòlo aŋ Juùù nyaŋ yaà maŋ hààwe màŋ naŋ gòònò tɛɛ màŋ. Weètii mìŋ manaŋ maim kumiàŋ tɛ̀ɛ̀ ke jii tɔumtɔ̀ùm sùà.

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Gàla 3:19

Kpeiŋ kɛ̀, kiìŋ nàŋ yaà wa esàɓù ke Sàwàa? Ke Sàwàa naŋ wa nɔ̀ŋ kìɛŋ nyiŋ wèè ke tɔɔ̀ kɛ̀ èiŋ nyɛ̀nɛ̀ŋ e jùumù. Kɛɛ kè do wa nɔŋ nàŋ jeè e jèèsùà wo jɔ̀ɛ̀jɔ̀ɛ̀ Eɓulɔhɛɛ̀ɔŋ wo hnàŋ, koɓɛ̀ wo yèɔ àŋ naŋ wa kìɛ̀ŋ e ɗààhiìɛ wɔ̀. Aŋ màìkà nyaŋ naŋ wa kìɛ̀ŋ ke Sàwàa wo Mòòze, wo yèɔ yaà wa e fèèmàŋ Dayà yaà anyuùŋ kpùuŋ nyàŋ e teenga lii sùà wɔ.

Gàla 3:23

Ke Sàwàa kè toomàŋ wì, yèè ke naŋ wi gbìɛ̀ŋ e gaàŋ nyiŋ nɛ̀ dì e jèèsùà e teengaà e hnàŋ, wèè sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e hààwe.