Nyɛ̀nɛ̀ŋ 6:13 - WƆŊ FƐ̀Ì EBÒ SÌÀŊ DAYÀA

¹³ Kpeiŋ àŋ naŋ hìɛ̀ŋ aŋ sèì kàaɓì nyiŋ nyàŋ wèè aŋ tuuyà wo Siiwììŋ. Àŋ naŋ woò nyààŋ, “Wo felaa wɛɛ̀, ke ɗɔɔ gbiŋ wò woà e keì naanààŋ nyaàiŋ dè ke Sààŋ Zòòlò Nɛɛmaŋ wiɛ̀ yèè maŋ Sàwà Dayà maŋ.

Nyɛ̀nɛ̀ŋ 6:13 ပူးပေါင်းရင်းမြစ်များ

Maafiù 24:15

“Maŋ ɗɔɔ bà nìŋ do nàŋ yɛ̀mɛ̀ e kèì jùù è yaà ko zòòlò nɛɛmaìŋ, màànààŋ nɔŋ wo wɛ̀ijìɔ Dànyaŋ naŋ wa woò lɛ.” (Tɔ̀ wo nyùnɔ̀ɔŋ yaà kpìnìè wɔŋ fɛiɔ̀ lɛ wo nyìmàŋ kɛ̀ kiìŋ tɛɛ̀ naŋ fasàì.)

Maafiù 26:59

Aŋ kànà sìèfèìŋ zòòlo nyàŋ e kpùlìà anyùùŋ gbèègbèè aŋ Juùù nyaŋ naŋ wa kàmè aŋ seì wèè aŋ jeèè wo Jisɛ̀ e keì wèè kàìsa aŋ jìwàuŋ.

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 25:8

Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 6:11

Kpeiŋ àŋ naŋ kìɛ̀ŋ anyùùŋ bà ke gòòdùm wèè aŋ woò nyààŋ, “È nauŋ kumiè wò naŋ wòò maŋ mìè ɓɛ̀ɛ̀pɔ̀ɔ koɓɛ̀ Mòòzeì yèè wo Dayà!”

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.

Hiɓu 7:12

Èiŋ nyìmàŋ kɛ̀ sèè e tòmò ke gbòò e sìèfèìŋ zòòloɛ̀ kile wa nàwèè, maŋ sàwà maŋ kuwa maŋ kìlà miiŋ pɛɛ.