Nyɛ̀nɛ̀ŋ 6:1 - WƆŊ FƐ̀Ì EBÒ SÌÀŊ DAYÀA

¹ Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 6:1 ပူးပေါင်းရင်းမြစ်များ

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 2:45

Àŋ hewa mààŋ manɛ̀ŋ siwè nyiŋ màŋ e kìlà aŋ gòònò e nɛ̀ɛ̀nɛ̀ŋ nyiŋ biɛ̀ e fèemàŋ e ɗeweɛ̀ wo nyùùŋ gbiŋ manaŋ wa lɛ̀.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 4:35

e kìlà aŋ niŋ kìɛ̀ŋ koɓɛ̀ aŋ keela tàeɗùù nyaŋ. E nɛɛnɛɛ̀ŋ nɔ̀ŋ wa gòòno niŋ anyùùŋ nyaŋ e fèemàŋ nààŋ àŋ manaŋ wa lɛ̀.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Nyɛ̀nɛ̀ŋ 5:14

Kɛɛ anyuùŋ zimgbe, felaa yèè jɔùŋ yè nyaŋ kuwa wa hààwe wo Kanàa Dayà sùà nyaŋ naŋ wa sɛ̀ɛ̀ ke gbòòɛ sùà.

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”

Nyɛ̀nɛ̀ŋ 6:2

Kpeiŋ aŋ keela tàeɗùù zììyà jɛ̀wɛ̀ tìyèe nyàŋ naŋ nyààŋ ke gbòò anyuùŋ hààwe nyàŋ gbiŋ koɓɛ̀ guùŋ yèè àŋ naŋ woò nyààŋ, “E fè è tɔ̀ɔ̀nyaàŋ wèè eiŋ hɔ̀ànè è tòmò kè mìè gbìàŋ wò Kanaà Dayà gbòa è nyaàiŋ dè wò Kanaà Jisɛ̀ wèè eiŋ hnàŋ ko wòò e kèè nɛɛnɛŋ.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 9:29

Wo Sɔɔ̀ hewa gbòà janyai e dèè Kanaà sùà. Wuŋ yèè aŋ Juùù gbòà Guliì mie nyàŋ hewa kpaane kpàànè, yèè àŋ naŋ kàmè ɗewe wèè auŋ jìwà.

Nyɛ̀nɛ̀ŋ 9:39

Ko fɛɛ̀feìŋ, wo Pììlɛ naŋ yèwè dìì yèè àŋ naŋ kɔ̀. Aŋ felaa nyàŋ naŋ kɔ̀ɔ̀ wo Pììlɛ ko sààŋ fùùiŋ yèè wò nao haì. Aŋ jɔ̀ùnèèdàà zimgbe yaào wa ko gulie. Àŋ nauŋ tɔ̀ɔ̀ maŋ kotì maŋ yaà maŋ dèè kɔɔ gbànaŋ màŋ wo Dɔkà naŋ wa banè maŋ e teengaà wò yaà wɔŋ nyiiŋ gèeɔ̀ sùà lɛ.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Luùm 12:7

Sèè mààŋ è kuwa eiŋ tomo wèè aŋ dàwi wi nyàŋ, tòmò wiìŋ weè nyiŋ. Sèè mààŋ è kuwa eiŋ kàà aŋ dàwi wi nyàŋ, kàaà wììŋ nyiŋ.

1 Kɔliìŋ 10:10

Ɓɔ̀ è kamèiŋ gbòò nààŋ àŋ bà nyiŋ naŋ wa nyɛ̀nɛ̀ŋ yèe wo màikà jìwà nyùnɔ̀ɔŋ naŋ nyiŋ wa jìwè lɛ.

2 Kɔliìŋ 11:22

Àŋ yaà aŋ Hiɓulù nyuuŋ? Mìŋ yaà wo bà. Àŋ yaà anyùùŋ ko Ezɔ̀ɛ̀? Mìŋ yaà wo bà. Àŋ folo ke kpòò Eɓulɔhɛɛ̀ɛŋ sùà? Yɛi nɔŋ mìŋ yaà.

Fèle 3:5

Mìŋ yaà wa maŋ ɗɔ̀ɔ̀ nɔɔnɔŋ le taai nààŋ àŋ naim wa jàà kpùa. Anyuùŋ kòmaim nyàŋ àŋ yaà wa anyùùŋ fùɔ̀ŋ Ezɔ̀ɛ̀ɔ, e yìwìà e zìì Bɛ̀njìmaiŋ nɛ̀ sùà, yèè mìŋ kuwa maŋ sɛ̀ìŋ aŋ Hiɓulù nyuuŋ. Nààŋ mìŋ yaà wa wo Fɛlosiì lɛ, mìŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

1Time 5:3

Tɔ̀ɔ̀ e ɓɛ̀ɛ̀jàa koɓɛ̀ aŋ jɔ̀ùnèèdàà nyaŋ yaà kùàŋ nyiìŋ bi nyàŋ.

1Time 5:9

Ɓɔ̀ nìŋ sìà è dèè wò jɔ̀ùŋèèdààa wo yèɔ gò hàì màŋ doa kpɛ̀ùŋ taai wɔ̀, wɔ̀ŋ fɛ̀ì màŋ dèè àŋ jɔ̀ùŋèèdààa nyaŋ sùà. E tòòyà tii nàŋ yaà, wo nɔ̀ŋ yèɔ naŋ wa gè wo felaa è guùŋ wɔ,

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”

Jìiiŋ 5:9

Ɓɔ̀ nìŋ tɔɔ̀ zàwè nyɛ̀iŋ wouwòù è fèemàŋ, nyɛ̀iŋ nààŋ wùìyaim nyàŋ, e wèè wo Dayà goiŋ nàŋ gbààì è keì. Wo nyuùŋ hàà kitiɔ̀ wò kià gbɛ̀ɛ̀, wò yaà e bànèbaneuŋ wèè wo hnàŋ.