Nyɛ̀nɛ̀ŋ 5:5 - WƆŊ FƐ̀Ì EBÒ SÌÀŊ DAYÀA

⁵ Wo Ananayà naŋ nɔŋ tɛɛ̀ kòmò fa, wò sɔ̀à ko dììnaŋ wò fà Kpeiŋ. Yèè anyùùŋ nyaŋ gbiŋ naŋ niŋ wa kòmò lɛ eɓìèmàŋjɛ̀wɛ̀ aŋ yè nyaŋ yaà wa ko fɛɛ̀feìŋ nyaŋ e jùù naŋ nyiŋ nyɛ̀nɛ̀ŋ.

Nyɛ̀nɛ̀ŋ 5:5 ပူးပေါင်းရင်းမြစ်များ

Nyɛ̀nɛ̀ŋ 13:11

Yɛ̀mɛ̀ naàŋ, wɔŋ kùàŋ Kanaà kòò wɔ̀ŋ yààùm diɛŋ, mùŋ yaà hinie maŋ zììlè le fɛ̀ɛ̀, yèè wèè e teenga bà muŋ naàŋ yɛ̀mɛ̀ è gbòlòùŋ è gɔɛɛ̀.” Ko fɛɛ̀feìŋ, ke nyiwì gènaŋ nauŋ ɓùwò le fɛ̀ɛ̀, yèè wo naŋ tɔ̀ɔ̀tù wo nyuùŋ kàme wèè wo kùwàuŋ wɔŋ kùàŋ wo kaaìŋ.

Nyɛ̀nɛ̀ŋ 2:43

Anyùùŋ nyaŋ gbiŋ yaà wa ko Jùlusɛ̀làm nyaŋ, e jùù naŋ wa sɛ̀ɛ̀ maŋ jii nyiŋ màŋ sùà, yèè àŋ naŋ kìɛ̀ŋ e ɓɛ̀ɛ̀jàa gbee koɓɛ̀ Dayài e nyaàiŋ dè maŋ kèè mèè gbeegbèè maŋ aŋ keela tàeɗùù nyaŋ yaà wa nyinie màŋ.

Nyɛ̀nɛ̀ŋ 5:13

Wo nyùnɔ̀ɔŋ gbiŋ wo yèɔ fè wa kè gbòò anyuùŋ hààwe nyàŋ sùà wɔ gò wa nyimèè wèè wo kà àŋ keela nyàŋ kɔɔ, jòòpɛɛ anyùùŋ nyaŋ fè wa kè gbòòɛ sùà nyaŋ hewa gbòà tɛ̀ɛ̀ wèè aŋ keela nyàŋ.

1 Kɔliìŋ 4:21

Kòòiŋ nìŋ manaŋ? Sèè mìŋ nɔ̀ŋ hinie miŋ hiàŋ ke sele ko diɛiŋ, ɔ̀ɔ̀ wo jìnàŋ mànaŋ yaà ke jii siaŋ?

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.

2 Kɔliìŋ 7:11

Yɛ̀mɛìŋ naàŋ e ɗeweɛ̀ wo Dayà naŋ tòòmò ke jìì mɔ̀ɔ̀nɛ̀ŋ nyɛiŋ biɛ̀ lɛ, kè naàŋ nyɛ̀nɛ̀ŋ nìŋ manaŋ naàŋ kai wèè naŋ tɔɔ̀ kɛ̀ maŋ keì fèìŋ, nìŋ naŋ tuù. Nìŋ yaà e jùù dìì. E wùànàŋ yààìŋ zimgbe wèè naŋ yɛ̀mɛ̀ e tɔ̀ɔ̀nyaàŋ nɔ̀ŋ gbài niŋ. Nàŋ tɔ̀ɔ̀ nyɛ̀iŋ bi kɛ̀ nìŋ yaà sengei e tɔ̀mɛ bà gbiŋ fèìŋ kɔɔ è keì lɛɛ̀ gbiŋ sùà.

Maŋ kèì nyɛɛnɛŋ 11:13

E tèèngà guùŋ lii sùà nɔŋ, e dììɛ naŋ wa kìlè fiò. E jawa gbeeɛ̀, sèè è naŋ weè ɓɛ̀nɛ̀ŋ nɔ̀ŋ gòòno niŋ e ɗì zììyà, wo Dayà naŋ pɔ̀ɔ̀pɔ̀ɔ̀ e ɗì guùŋ. Anyuùŋ tààsùùŋ nɔɔnɔŋ le tìyèe (7,000) naŋ wa fɔ̀. E jùù naŋ wa nyɛ̀nɛ̀ŋ anyuùŋ gbànaŋ nyàŋ naŋ wa joo nyàŋ, yèè àŋ naŋ tɛ̀nɛ̀ŋ wo Dayà ko àìjɛnɛ̀ŋ wèè e gaàŋ gbeeuŋ nɛ̀.

Maŋ kèì nyɛɛnɛŋ 11:5

Sèè wo nyùùŋ gbiŋ wò kamàŋ ɗewe wèè wo nyiŋ jàà keì naanààŋ, e hmɔ̀ɔ̀ŋ do nyiŋ nàŋ fòlò ko nyààŋ e pɔ̀ɔ̀pɔ̀ɔ̀ aŋ joo nyiŋ nyàŋ. E ɗèwe lɛɛ̀ sùà, wo Dayà do nàŋ jìwè wo nyùnɔ̀ɔŋ gbiŋ do nàŋ kàmè ɗewe wèè wo nyiŋ jàà keì naanààŋ wɔ.