Nyɛ̀nɛ̀ŋ 5:4 - WƆŊ FƐ̀Ì EBÒ SÌÀŊ DAYÀA

⁴ Wèè paŋ muŋ maàŋ wa e diì mɔ̀ɛ̀, muàŋ nàŋ kànàŋ niìŋ wa. Nààŋ mùŋ naŋ niŋ wa maàŋ, e nɛɛnɛŋ mɔ̀ɛ̀ yaà wa e gaàŋ mɔ̀ɛ̀ dìì. Wèè kiɛ̀ŋ mùŋ naŋ ɗewè ke jii mɔɛ̀ŋ sùà wèè maŋ nyɛ̀nɛ̀ŋ e keì mààŋ tii? Muŋ gò tòà kòɓɛ̀ anyuùŋ kpùuŋ. Mùŋ naŋ tɔ̀ɔ̀ koɓɛ̀ Dayài!”

Nyɛ̀nɛ̀ŋ 5:4 ပူးပေါင်းရင်းမြစ်များ

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

Nyɛ̀nɛ̀ŋ 5:9

Wo Pììlɛ nauŋ dawè wààŋ, “Wèè kiɛ̀ŋ muàŋ nyɛ̀iŋ wo faniŋ mɔɔ̀ŋ naŋ ɗewè wèè naŋ wàà wo Jìnàŋ Kanaà Dayà? Aŋ felaa nyàŋ naŋ kɔ̀ɔ̀ wo fanium àŋ nauŋ sìè nyaŋ kòò àŋ yaà wɔŋ gbemgbeeɔ̀ feìŋ sààmɛ, yèè àŋ doum nàŋ kɔɔ̀ muàŋ pɛɛ aum sìà!”

1 Kɔliìŋ 8:8

E nɛ̀ŋje jèe, e fè wi bɔ̀ɔ̀mɔ̀ŋ wò Dayà è kɔɔ, èiŋ niŋ jè e gòiŋ niŋ jè, è yaà wèè foo.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

Felemɔ̀ŋ - PHM 1:14

Kɛɛ miŋ naàŋ nyɛ̀nɛ̀ŋ è keì gbiŋ e jèèsùà maŋ nyimèè. Mìŋ manaŋ wèè ke kpèè tùwo siaŋ mɔɛ̀ŋ ke e yìwìà ke jii mɔɛ̀ŋ sùà, kɛɛ ɓɔ̀ è nɔ̀ŋ è kèkèteè wèè maŋ niŋ nyɛ̀nɛ̀ŋ.

Jìiiŋ 1:15

Kpeiŋ sèè e wànàŋ maŋ keì naanààŋ jɔ̀à wo nyùùŋ ke jiio sùà, yèè wo nyùùŋ bi jàà maŋ keì bi kùàŋ dìì, wò do naŋ gbìɛ̀ŋ kùàŋ maŋ kèì jùumù nyɛ̀nɛŋ sùà. Sèè wo nyùùŋ wò jeeyà maŋ jùumù sùà, ko jee ɗìuŋ niìŋ wò dò naŋ fɔ̀.