Nyɛ̀nɛ̀ŋ 5:36 - WƆŊ FƐ̀Ì EBÒ SÌÀŊ DAYÀA

³⁶ Nàŋ jààèjii kɛ̀ wo Teoɗà naŋ wa hnè e teenga gɔu bà sùà, wò naŋ wa ɓèmè wuŋ bi wo nyùùŋ gààŋ gbee wèè auŋ tùlìà jii. E sɔ̀ngɔ̀ anyuùŋ hɔ̀nɔ̀ɔ̀ tiinàŋ nauŋ wa dè maŋjɛ̀wɛ. Àŋ nauŋ wa jìwè, anyùùŋ màŋjɛ̀wɛ̀uŋ nyàŋ gbiŋ aŋ ɓaayè, yèè ke gboòuŋ nɛɛ̀ŋ naŋ wa sɔ̀ɔ̀ dìì ke hàì dìà.

Nyɛ̀nɛ̀ŋ 5:36 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 24:26

“Sèè wo nyùùŋ woiŋ woò wààŋ kɛ̀, ‘Yɛ̀mɛìŋ, wo Kulaìɔ kòò wò yaà ke fòùngà e diì wòaà diɛŋ,’ ɓɔ̀ nìŋ kao! Ɔ̀ɔ̀ wo woò wààŋ, ‘Yɛ̀mɛìŋ, kòò wò yaà ko nyɛɛnɛŋ ko zɔ̀nù yaà’, ɓɔ̀ nìŋ haawè niŋ.

Maafiù 24:5

Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ’ e kìlà àŋ do nàŋ zùwò anyuùŋ zimgbe.

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”

Nyɛ̀nɛ̀ŋ 5:35

yèè wo naŋ wòò anyùùŋ gbèègbèè fuɔɔ̀ŋ wààŋ, “Nyɛ̀iŋ nààŋ nyunùim nyàŋ ko Ezɔ̀ɛ̀, e jùù nɔ̀iŋ wèè e nɛ̀ɛŋ nìŋ manaŋ naŋ nyìnìàŋ aŋ felaa nyɛɛ̀ŋ lɛ.

Nyɛ̀nɛ̀ŋ 8:9

Wo felaa bà heo wa joo àŋ nyaaŋ wo Saimɔ̀ŋ, wo yèɔ wèè e teenga bà wò hewa nyɛ̀nɛ̀ŋ maŋ keì gbeegbèè ekɔìɗòlò sùà e yèɛ hewa fòònò anyùùŋ nyaŋ gbiŋ ko Sàmilià. Wò naŋ wa kɛ̀ɛ̀ maŋ yòngà kɛ̀ wò yaà wo nyuùŋ kɛ̀ɛ̀nɛ̀ŋ e gaàŋ gbee,

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

2Pììlɛ 2:2

Anyuùŋ zimgbe do nàŋ dè maŋ kpèè naanààŋ nyiŋ màŋ maŋjɛ̀wɛ, e nɔ̀ŋ saɓù anyùùŋ kùùnò gbòà maŋ mìè ɓɛ̀ɛ̀pɔ̀ɔ nyaàiŋ dè ke dòmàŋ tɔ̀ɔ̀nyaàŋ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.

Maŋ kèì nyɛɛnɛŋ 17:3

Wo Jìnàŋ Nɛɛmaàŋ naim wa dèyè diɛŋ, yèè wo màikàa naim kɔ̀ɔ̀ ke fòùngà e diì wòaà sùà. Kuŋ mìŋ naŋ wa yɛ̀mɛ̀ wo jɔùŋ wò jaa wo yilì kùùno bà diɛŋ, wò kuwa e ziì mààŋ wɔŋ deè wɛ̀ìŋ, wo yèɔ àŋ naŋ wa sìngè e kɔɔuŋ nɛ̀ gbiŋ maŋ dèè mìè ɓɛ̀ɛ̀pɔ̀ɔ e nyaàiŋ dè wo Dayà, e kìlà wò kuwa wa maŋ ɗì nɔɔnɔŋ le tìyèe yaà maŋ sìì zììyà.

Maŋ kèì nyɛɛnɛŋ 17:5

Wɔŋ dawàuŋ nɔɔ̀ŋ, àŋ naŋ wa sìngè e dèè e yèɛ kuwa e fàsàì ke gbùnu, e yèɛ naŋ woò wààŋ, “Miàŋ nàŋ yaà e jawa gbeeɛ̀ Ɓaɓelɔ̀ùŋ, wo yèyeɔ̀ wèè aŋ jɔùŋ nyɛ̀nɛ̀ŋ maŋ keì kùwà ninaŋ gò zɛ̀nɛ̀ŋ màŋ gbiŋ, yaà maŋ yɛ̀ɛ̀ hmɔŋtu naanààaŋ nyɛ̀nɛŋ màŋ gbiŋ e ɗuunyaàŋ.”