Nyɛ̀nɛ̀ŋ 5:30 - WƆŊ FƐ̀Ì EBÒ SÌÀŊ DAYÀA

³⁰ Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 5:30 ပူးပေါင်းရင်းမြစ်များ

Luù 1:55

Wo Kanaà Dayà naŋ jɔ̀ɔ̀ e ɗààhiì wèè wo tɔ̀ɔ̀ ke nyowo koɓɛ̀ wo nèwàènèwe wiɔ̀ Eɓulɔhɛɛ̀ŋ, yèè koɓɛ̀ ke kpoouŋ nɛɛ̀ŋ gbiŋ wèè julɔfɔ!”

Luù 1:72

Wo Dayà wààŋ wò do nàŋ tɔ̀ɔ̀ ke nyowo koɓɛ̀ anyuùŋ wi nyàŋ, e kìlà wo jàà e ɗààhìì e mìèsùàgùùŋ nɛɛmauŋ nɛ̀ jii.

Nyɛ̀nɛ̀ŋ 10:39

Yàwi nààŋ gbiŋ è yààìŋ aŋ sèì e nyaàiŋ dè maŋ keì maŋ gbiŋ wo Jisɛ̀ naŋ nyɛ̀nɛ̀ŋ maŋ ko Ezɔ̀ɛ̀ wɔŋ fùɔ̀ŋ aŋ Juùù nyaŋ sùà yèè ko Jùlusɛ̀làm. Àŋ nauŋ wa jìwìè wɔŋ vànèkpaaà diɛŋ.

Nyɛ̀nɛ̀ŋ 13:33

Wò niŋ naàŋ nyɛ̀nɛ̀ŋ weè wi, nààŋ wò naŋ gè wo Jisɛ̀ e fàa dìì wɔŋ nyiiŋ gèeɔ̀ sùà. È yaà nɔŋ màànààŋ è yaà sìnga niŋ wɔŋ fɛ̀ì dìà tìyèè Saààm sùà lɛ wààŋ, ‘Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.’

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.