Nyɛ̀nɛ̀ŋ 5:21 - WƆŊ FƐ̀Ì EBÒ SÌÀŊ DAYÀA

²¹ Wɔŋ niìsìaà aŋ keela nyàŋ naŋ jɔ̀ ko Saaŋ Zòòlò Dayài, nààŋ wo màikàa naŋ nyiŋ woò wèè aŋ nyɛ̀nɛ̀ŋ lɛ, yèè àŋ naŋ tɔ̀ɔ̀tù anyùùŋ nyaŋ kàa. Wo Kànà Sìèfèìŋ Zòòlo Gbeeɔ̀ yaà anyuùŋ kpùùmauŋ nyàŋ naŋ nyààŋ aŋ màmànkùmɛ̀ŋ fuɔɔ̀ŋ e kpùlìà anyùùŋ gbèègbèè fuɔŋ nyàŋ gbiŋ ko Ezɔ̀ɛ̀ wèè aŋ deenè. Kpeiŋ àŋ naŋ tùɔ̀ŋ anyùùŋ ko sààŋ nyìwìi wèè aŋ hiàŋ aŋ keela nyàŋ ko fɛɛ̀feìŋ nyiŋ niìŋ.

Nyɛ̀nɛ̀ŋ 5:21 ပူးပေါင်းရင်းမြစ်များ

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Luù 22:66

Nààŋ e nììɛ naŋ sìè, aŋ màmànkùmɛ̀ŋ fuɔɔ̀ŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ naŋ dèènè koɓɛ̀ guùŋ, yèè àŋ naŋ hìɛ̀ŋ wo Jisɛ̀ anyùùŋ gbèègbèè aŋ Juùù nyaŋ fɛɛ̀feìŋ.

Jɔ̀ɔŋ 18:35

Wo Paalè naŋ fasàì wààŋ, “Màŋ nyìmàŋ kɛ̀ miŋ fè wò Juùù. Anyùùŋ muàŋ bi nyàŋ yèè aŋ kànà sìèfèìŋ zòòlo nyàŋ naum hìɛ̀ŋ ko nɛ̀ɛ̀ŋ miìŋ. Kiìŋ mùŋ naŋ nyɛ̀nɛ̀ŋ?”

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Nyɛ̀nɛ̀ŋ 22:15

Mùŋ do nàŋ nɔ̀ŋ wo seì e weèuŋ koɓɛ̀ anyuùŋ kpùuŋ nyàŋ gbiŋ wèè e yèɛ mùŋ naŋ yɛmɛ̀ yèè mùŋ naŋ kòmò lɛ.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Nyɛ̀nɛ̀ŋ 5:27

Àŋ naŋ hìɛ̀ŋ aŋ keela nyàŋ ko saaìŋ, yèè àŋ naŋ nyiŋ sèèlè anyùùŋ gbèègbèè fuɔŋ nyàŋ fɛɛ̀feìŋ, yèè wo Kànà Sìèfèìŋ Zòòlo Gbeeɔ̀ naŋ nyiŋ tɛɛ̀ woò wààŋ,

Nyɛ̀nɛ̀ŋ 5:34

Kɛɛ wo Fɛlosiì bà àŋ nyaaŋ wo Gàmalià, wo kààmɔ̀ɔ̀ŋ maŋ Sàwà Dayàa bà guùŋ, e kìlà anyùùŋ nyaŋ gbiŋ kiɛ̀uŋ wa e ɓɛ̀ɛ̀jàa gbee, naŋ sìè anyùùŋ gbèègbèè fuɔŋ nyàŋ feìŋ, yèè wò naŋ wòò anyuùŋ tùnìàŋ ke Sààŋ Zòòloɛ̀ kɛ̀ aŋ fulià aŋ keela nyàŋ ko jɔɔlèi tòloò,

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.