Nyɛ̀nɛ̀ŋ 5:20 - WƆŊ FƐ̀Ì EBÒ SÌÀŊ DAYÀA

²⁰ “Kɔ̀àiŋ niŋ sie ko Saaŋ Zòòlò Dayài, e kìlà niŋ woò anyùùŋ nyaŋ e kèè wɔŋ nyiiŋ jɛi wɛɛ̀ŋ gbiŋ.”

Nyɛ̀nɛ̀ŋ 5:20 ပူးပေါင်းရင်းမြစ်များ

Maafiù 10:27

E nɛ̀ɛŋ gbiŋ mìŋ woàìŋ ke nyìwìɛ sùà lɛ, wòoiŋ niŋ maŋ gɔɛɛ janjai, e kìlà e nɛ̀ɛŋ gbiŋ nìŋ naŋ kòmò mìŋ naiŋ woò maŋ wɛwɛɛ sùà lɛ, jòwaìŋ ke saaŋ dìmɛ̀ niŋ ɓaayè ebò bi.

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Jɔ̀ɔŋ 12:50

Kà nyìmàŋ kɛ̀ e yèɛ wò woà lɛ è hiàŋ wɔŋ nyiiŋ gèe gò jùà. Esaɓùɛ lɛɛ̀ mìŋ woàìŋ yèɛ wo Dèdaà ko àìjɛnɛ̀ŋ naim woò kinɛiŋ lɛ̀.”

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Jɔ̀ɔŋ 6:68

Kpeiŋ wo Saimɔŋ Piilɛ̀ nauŋ fasàì wààŋ, “Kanaà, sèè è kɛɛ̀ùm maŋjɛ̀wɛ, ɓɛ̀ ɓòò è naiŋ ɓɛ̀nɛ̀ŋ kàa? Tiŋ zà maŋ mìè gbòaum màŋ nàŋ kiɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 11:14

Wò doum nàŋ kìɛ̀ŋ maŋ miè gbìaŋ maŋ yè maŋ do nàŋ jòèyè muàŋ yèè anyunùum nyàŋ gbiŋ ko gboo moo.

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.