Nyɛ̀nɛ̀ŋ 5:17 - WƆŊ FƐ̀Ì EBÒ SÌÀŊ DAYÀA

¹⁷ Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Nyɛ̀nɛ̀ŋ 5:17 ပူးပေါင်းရင်းမြစ်များ

Maafiù 27:18

Wo Paalè wa nyìmàŋ kɛ̀ aŋ màmànkùmɛ̀ŋ aŋ Juùù nyaŋ naŋ wa kìɛ̀ŋ wo Jisɛ̀ ko nɛ̀ɛ̀uŋ niìŋ esaɓù kɛ̀ e kooɛ̀ yaà nyiìŋ wa.

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Jɔ̀ɔŋ 12:10

Kpeiŋ aŋ kànà sìèfèìŋ zòòlo nyàŋ naŋ ɗewè wèè aŋ wa jìwà wo Lazɔlɔ̀ wuŋ pɛɛ,

Jɔ̀ɔŋ 12:19

Kpeiŋ aŋ Fɛlosiì nyaŋ naŋ wòò nyiŋ bi e fèemàŋ nyààŋ, “E fèiŋ ɓɛ̀nɛ̀ŋ nyìnìàŋ wò felaa wɛɛ̀ è nɛ̀ŋ gbiŋ, esaɓù kɛ̀ anyùùŋ nyaŋ gbiŋ àuŋ naàŋ dè maŋjɛ̀wɛ.”

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 15:5

Kɛɛ anyuùŋ hààwe nyàŋ bà nyiŋ ke gbòò aŋ Fɛlosiì nyaŋ sùà naŋ woò nyààŋ, “Anyùùŋ nyaŋ fè àŋ Juùù yèè àŋ naŋ kìlè koɓɛ̀ Dayài nyàŋ nɔ̀ŋ kpùa jàa nyiŋ e kìlà aŋ jɔɔlɔ̀ maŋ Sàwà maŋ wo Mòòze naŋ wi kiɛ̀ŋ maŋ dìì.”

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 4:26

Aŋ kànà fuɔŋ nyàŋ e dììɛ diɛŋ e ɗuunyaàŋ naŋ bànèbànè nyiŋ bi, yèè anyuùŋ gbeegbèè nyaŋ naŋ dèènè koɓɛ̀ guùŋ wèè aŋ sumiàŋ wo Kanaà yaà wo yèɔ wò naŋ tàeɗùù wèè wo joeyè e ɗuunyaàŋ wɔ, wo Kulaìɔ.’

Nyɛ̀nɛ̀ŋ 4:6

Àŋ naŋ mɛ̀ɛ̀ŋ wo Kànà Sìèfèìŋ Zòòlo Gbeeɔ̀ wo Anàŋ yèè wo Kaifɔ̀, wo Jɔ̀ɔŋ, wo Àlèzanàŋ, yèè aŋ gbànaŋ nyàŋ ke gbòò wo Kànà Sìèfèìŋ Zòòlo Gbeeɔ̀ sùà.

Nyɛ̀nɛ̀ŋ 5:16

Ke gbòò anyuùŋ zimgbe naŋ hnè e yìwìà maŋ jawa màŋ naŋ kìlìè ko Jùlusɛ̀làm maŋ, àŋ yaà hìaŋ sùà anyuùŋ sàaŋ nyiŋ nyàŋ yaà aŋ yè nyaŋ aŋ jinàŋ naanààŋ yaà wa maŋjɛ̀wɛ nyàŋ, yèè aŋ gbiŋ naŋ wa jòèyè.

Nyɛ̀nɛ̀ŋ 7:9

“Aŋ jɔ̀àfèlàà Jègɔ nyàŋ naŋ wa gììyè wo nanàŋ nyiŋ nɔɔ̀ŋ Jòòsɛ le koo yèè àŋ nauŋ wa maàŋ e ɗo dìì ko Ijè. Kɛɛ wo Dayà yàaùŋ wa maŋjɛ̀wɛ,

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.