Nyɛ̀nɛ̀ŋ 5:16 - WƆŊ FƐ̀Ì EBÒ SÌÀŊ DAYÀA

¹⁶ Ke gbòò anyuùŋ zimgbe naŋ hnè e yìwìà maŋ jawa màŋ naŋ kìlìè ko Jùlusɛ̀làm maŋ, àŋ yaà hìaŋ sùà anyuùŋ sàaŋ nyiŋ nyàŋ yaà aŋ yè nyaŋ aŋ jinàŋ naanààŋ yaà wa maŋjɛ̀wɛ nyàŋ, yèè aŋ gbiŋ naŋ wa jòèyè.

Nyɛ̀nɛ̀ŋ 5:16 ပူးပေါင်းရင်းမြစ်များ

Maafiù 2:16

Nààŋ wo Hɛɛlɔ̀ naŋ wa nyìmè kɛ̀ anyuùŋ kɛ̀ɛ̀jii nyàŋ àuŋ zuwò, wò naŋ wa tuù. Yèè wò naŋ kìɛ̀ŋ e gààŋ koɓɛ̀ aŋ kààlòòɗùàuŋ nyàŋ wèè aŋ jìwà aŋ felaajɔa nyàŋ gbiŋ e fèèmàŋ maŋ dòà tìyèe e dèyà koɓɛ̀ aŋ kòmaŋ jɛ̀ì nyaŋ ko Bɛfilehɛɛ̀ŋ yèè maŋ kpàlàùŋ kpàlàùŋ maŋ gbiŋ sùà ko Bɛfilehɛɛ̀ŋ. Tɛɛ̀ zà naŋ wa kaaìŋ esàɓù e nɛ̀ɛŋ aŋ nyuùŋ kɛ̀ɛ̀jii nyàŋ naŋ wa wòò wo Hɛɛlɔ̀ lɛ e nyaàiŋ dè e teengaà àŋ naŋ wa yɛ̀mɛ̀ wɔŋ ɗuɔ̀ ko fùlìè gɔɛɛ lɛ.

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 8:16

E koya lii nààŋ e gɔɛɛ̀ naŋ wa naàŋ jùò fùùŋ, anyùùŋ naŋ wa hìɛ̀ŋ anyuùŋ kɛ̀ɛ̀nɛ̀ŋ aŋ jinàŋ naanààŋ zimgbe koɓɛ̀ Jisɛ̀i. Yèè e yìwìà ke mìè gbòà Jisɛ̀ɛ, aŋ jinàŋ naanààŋ nyaŋ naŋ wa fòlò anyùùŋ nyaŋ e kɔɔ sùà, yèè wò naŋ sùngò anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ zimgbe.

Luù 5:17

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà nyiŋ jaao wa. Àŋ naŋ wa yèwè maŋ jawa màŋ gbiŋ sùà wɔŋ fùɔ̀ŋ Galaliìɔ yèè wɔŋ fùɔ̀ŋ Jùdiàa sùà yèè ko Jùlusɛ̀làm. E gààŋ wo Kanaà Dayà yaà wa wo Jisɛ̀ ko diɛŋ wèè wo wa jòèyè anyuùŋ sàaŋ nyàŋ.

Luù 6:18

Anyùùŋ nyɛɛ̀ŋ naŋ wa hnè wèè aŋ kumiàŋ wo Jisɛ̀, e kìlà wèè wo wa sùngà maŋ sàaŋ nyiŋ màŋ. Wò naŋ wa pɛɛ sùngò anyùùŋ nyaŋ aŋ jinàŋ naanààŋ yaà wa maŋjɛ̀wɛ nyàŋ.

Luù 9:11

Nààŋ anyùùŋ nyaŋ naŋ nyìmè kɛ̀ wò wa ka, àŋ nauŋ dè maŋjɛ̀wɛ. Wo Jisɛ̀ naŋ nyiŋ wa ɓeè, yèè wò naŋ nyiŋ gbòò kɔɔ e nyaàiŋ dè e Kànà Dayàa, e kìlà wo sùngà anyùùŋ nyaŋ kuwa wa maŋ sàaŋ gɛ̀wɛɛ̀ nyaŋ.

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 5:15

Esàɓù ke nyɛ̀nɛɛ̀ŋ aŋ keela tàeɗùù nyaŋ yaà wa kòasùà feìŋ yɛ, anyùùŋ nyaŋ hewa kòà anyuùŋ sàaŋ nyàŋ maŋ dòmaŋ màŋ diɛŋ e kìlà aŋ nyiŋ hàà maŋ gbùmaŋ yaà maŋ ɓɛɛ diɛŋ wèè kɛ̀ sèè pɛɛ wo Pììlɛ nɔ̀ŋ weè kɔ̀ɛ̀ sùà wɔŋ fàà anyuùŋ sàaŋ nyàŋ wɔŋ miimiiuŋ nɔɔ̀ŋ wɔŋ nyiŋ dè diɛŋ sèè wò nɔ̀ŋ màaŋ sùà.

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

1 Kɔliìŋ 12:9

Wo Jìnàŋ gunɔ̀ɔŋ kiɛ̀ŋ wo nyùnɔ̀ɔŋ bà e hààwe, koɓɛ̀ nyùnɔ̀ɔŋ bà, wouŋ kìɛ̀ŋ e gààŋ nyuùŋ sùnga.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.