Nyɛ̀nɛ̀ŋ 5:15 - WƆŊ FƐ̀Ì EBÒ SÌÀŊ DAYÀA

¹⁵ Esàɓù ke nyɛ̀nɛɛ̀ŋ aŋ keela tàeɗùù nyaŋ yaà wa kòasùà feìŋ yɛ, anyùùŋ nyaŋ hewa kòà anyuùŋ sàaŋ nyàŋ maŋ dòmaŋ màŋ diɛŋ e kìlà aŋ nyiŋ hàà maŋ gbùmaŋ yaà maŋ ɓɛɛ diɛŋ wèè kɛ̀ sèè pɛɛ wo Pììlɛ nɔ̀ŋ weè kɔ̀ɛ̀ sùà wɔŋ fàà anyuùŋ sàaŋ nyàŋ wɔŋ miimiiuŋ nɔɔ̀ŋ wɔŋ nyiŋ dè diɛŋ sèè wò nɔ̀ŋ màaŋ sùà.

Nyɛ̀nɛ̀ŋ 5:15 ပူးပေါင်းရင်းမြစ်များ

Maafiù 14:36

Anyùùŋ nyaŋ nauŋ wa pɔwɔ̀ wèè anyuùŋ sàaŋ nyiŋ nyàŋ aŋ mɛ̀nlɛ̀ɛ̀ŋ wɔŋ kùmàuŋ nɔɔ̀ŋ e gòlòò dììɛ, yèè wo nyùùŋ gbiŋ naŋ wuŋ wa mɛŋlɛ̀ɛ̀ŋ, wò naŋ wa jòèyè.

Maafiù 9:21

Wò naŋ wòò ke jiiuŋ nɛɛ̀ŋ sùà wààŋ, “Sèè mìŋ mɛnlɛ̀ɛ̀ŋ nɔŋ wɔŋ kùmàuŋ nɔɔ̀ŋ, mìŋ do nàŋ jòèyè.”

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Nyɛ̀nɛ̀ŋ 28:9

Nààŋ tɛɛ̀ naŋ wa kaaìŋ yèè anyùùŋ nyaŋ naŋ niŋ kòmò, anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ gbànaŋ nyàŋ gbiŋ joà wa ke tiìɛŋ sùà nyaŋ naŋ hnè ko nɛ̀ɛ̀uŋ niìŋ e teenga gbàè gbà sùà, yèè nààŋ wò naŋ nyiŋ gbùwò maŋ kùàŋ yèè wò naŋ nyiŋ zòòlò diɛŋ, àŋ naŋ jòèyè.

Nyɛ̀nɛ̀ŋ 5:16

Ke gbòò anyuùŋ zimgbe naŋ hnè e yìwìà maŋ jawa màŋ naŋ kìlìè ko Jùlusɛ̀làm maŋ, àŋ yaà hìaŋ sùà anyuùŋ sàaŋ nyiŋ nyàŋ yaà aŋ yè nyaŋ aŋ jinàŋ naanààŋ yaà wa maŋjɛ̀wɛ nyàŋ, yèè aŋ gbiŋ naŋ wa jòèyè.