Nyɛ̀nɛ̀ŋ 5:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ anyuùŋ zimgbe, felaa yèè jɔùŋ yè nyaŋ kuwa wa hààwe wo Kanàa Dayà sùà nyaŋ naŋ wa sɛ̀ɛ̀ ke gbòòɛ sùà.

Nyɛ̀nɛ̀ŋ 5:14 ပူးပေါင်းရင်းမြစ်များ

Nyɛ̀nɛ̀ŋ 11:24

Wo Bànaŋɓà kuwa wa ke kpèè siaŋ yèè e hààwe gbee, yèè wo Jìnàŋ Nɛɛmaàŋ nauŋ wa dìèsùà. Esàɓù ke kpèèuŋ nɛɛ̀ŋ anyuùŋ zimgbe naŋ wa kɛ̀ɛ̀nɛ̀ŋ hààwe.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 22:4

Mìŋ hewa nìmìlà anyùùŋ ebɛ̀ŋ e fàa diɛŋ koɓɛ̀ anyùùŋ nyaŋ gbiŋ hewa dè ke Dòmàŋ Kanaà diɛŋ nyàŋ. Mìŋ hewa kùwà jɔùŋ yèè felaa e kìlà ka nyiŋ gbìàŋ ko sààŋ nyìwì.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 8:12

Kɛɛ nààŋ àŋ naŋ wa hààwè wo Felè nààŋ wò naŋ nyiŋ wòò Ebò Siaàŋ nyaàiŋ dè e Kànà Dayàa yèè e dèè Jisɛ̀ Kulaìɛ, aŋ jɔùŋ yèè felaa naŋ wa nɔ̀ŋ gùa nyiŋ.

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Nyɛ̀nɛ̀ŋ 9:35

Anyùùŋ nyaŋ zimgbe nyiŋ hewa jòò ko Leɗià yèè ko Sàlɔɔ̀ŋ nyaŋ naŋ yɛ̀mɛ̀ wo Enià, yèè àŋ naŋ wa kìlè koɓɛ̀ wo Kanaà Jisɛ̀.

Nyɛ̀nɛ̀ŋ 9:42

Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

2 Kɔliìŋ 6:15

Dièsɔa wo Jisɛ̀ Kulaì yaà wo Sɛ̀tanàŋ naŋ ɓɛ̀nɛ̀ŋ nyìmee koɓɛ̀ guùŋ? Kiìŋ wo nyuùŋ hààwè Dayà yaà wo nyuùŋ gò hààwè Dayà kpulìà?

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.