Nyɛ̀nɛ̀ŋ 5:13 - WƆŊ FƐ̀Ì EBÒ SÌÀŊ DAYÀA

¹³ Wo nyùnɔ̀ɔŋ gbiŋ wo yèɔ fè wa kè gbòò anyuùŋ hààwe nyàŋ sùà wɔ gò wa nyimèè wèè wo kà àŋ keela nyàŋ kɔɔ, jòòpɛɛ anyùùŋ nyaŋ fè wa kè gbòòɛ sùà nyaŋ hewa gbòà tɛ̀ɛ̀ wèè aŋ keela nyàŋ.

Nyɛ̀nɛ̀ŋ 5:13 ပူးပေါင်းရင်းမြစ်များ

Luù 19:48

Kɛɛ aŋ gò wa yɛ̀mɛ̀ è ɗewe gbiŋ wèè aŋ niŋ nyɛ̀nɛ̀ŋ, esaɓù kɛ̀ anyùùŋ nyaŋ gbiŋ manàŋ wa àŋ do ɓà è nɛ̀ɛŋ wò yaà wa woo lɛ̀ nààŋ àŋ yàaùŋ wa kùmiaŋ sùà tɛ̀ɛ̀.

Jɔ̀ɔŋ 12:42

Jòòpɛɛ anyùùŋ gbèègbèè aŋ Juùù nyaŋ zimgbe nyiŋ naŋ wa hààwè wo Jisɛ̀ sùà, kɛɛ aŋ gò niŋ wa woò gèngee. Esàɓù tɛɛ̀ zà nàŋ yaà kɛ̀, aŋ Fɛlosiì nyaŋ naŋ wa woò kɛ̀ sèè aŋ kòmàŋ wo nyùùŋ gbiŋ wo woò kɛ̀ wò kuwa e hààwe wo Jisɛ̀ sùà, àŋ douŋ nàŋ gè ke sààŋ zòòlò aŋ Juùù nyaŋ dìì wèè julɔfɔ.

Jɔ̀ɔŋ 19:38

E koya lii wo Jòòsɛ e yìwìà ko jawaì àŋ nyaaŋ Àlòmatià lɛ naŋ hnè ko jawaì. Wo yaà wa nyùùŋ màŋjɛ̀wɛ̀ Jisɛ̀ɔ bà guùŋ kɛɛ ke gbùnuo sùà, esaɓù kɛ̀ wò duɔŋ wa anyùùŋ gbèègbèè aŋ Juùù nyaŋ. Wo Jòòsɛ naŋ wa kùwìè ke jii nyingè yèè wò naŋ kɔ̀ ko fɛ̀ɛ̀fèìŋ wo kanaà Paalè yèè wò nauŋ hùmò e dìè Jisɛ̀ɛ. Wo Paalè naŋ wa fè wo Jòòsɛ e dieɛ̀. Kpeiŋ wo Jòòsɛ naŋ hìɛ̀ŋ wɔŋ kasange, yèè wò naŋ dèèyè e dieɛ̀ e yìwìà wɔŋ vànèkpaaà diɛŋ.

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 4:21

Kpeiŋ anyùùŋ gbèègbèè fuɔŋ nyàŋ naŋ nyiŋ naàà nyìnga yèè àŋ naŋ nyiŋ dangè aŋ ka. Anyùùŋ fuɔŋ nyàŋ gò wa yɛ̀mɛ̀ kè dòmaŋ gbiŋ wèè àŋ do kìɛ̀ŋ àŋ felaa nyàŋ è keì nyìnga, esaɓù kɛ̀ anyùùŋ nyaŋ gbiŋ yaà wa tɛ̀ɛ̀nɛ̀ŋ Dayà wèè e keìɛ naŋ wa kaaìŋ lɛ.

Nyɛ̀nɛ̀ŋ 5:26

Kpeiŋ wo sìèfèìŋ anyuùŋ tùnìàŋ ke Saaŋ Zòòloɛ̀ yaà aŋ kpàkòòuŋ nyàŋ naŋ kɔ̀ yèè àŋ naŋ hìɛ̀ŋ aŋ keela tàeɗùù nyaŋ koɓɛ̀ anyùùŋ gbèègbèè fuɔɔ̀ŋ. Kɛɛ aŋ gò wa ɓùlà aŋ keela nyàŋ, esaɓù kɛ̀ e jùùɛ yaà nyiìŋ wa wèè anyùùŋ nyaŋ go nyiŋ wa nàŋ hɔ̀wɔ̀ nyinoo nyuùŋ tùnìàŋ Saaŋ Zòòloɛ̀.

Nyɛ̀nɛ̀ŋ 5:5

Wo Ananayà naŋ nɔŋ tɛɛ̀ kòmò fa, wò sɔ̀à ko dììnaŋ wò fà Kpeiŋ. Yèè anyùùŋ nyaŋ gbiŋ naŋ niŋ wa kòmò lɛ eɓìèmàŋjɛ̀wɛ̀ aŋ yè nyaŋ yaà wa ko fɛɛ̀feìŋ nyaŋ e jùù naŋ nyiŋ nyɛ̀nɛ̀ŋ.

2 Kɔliìŋ 10:15

E wèètii e fèiŋ kɛ̀ɛ̀ màŋ nyòngà wèè è tòmoɛ̀ è yèɛ anyùuŋ bà naŋ nyɛ̀nɛ̀ŋ è naŋ gɛ̀ɛ̀ kò dìaì wo Dayà naŋ tɔɔ̀ weè wilɛ̀. Kɛɛ è kuwa jii tùlia kɛ̀ e hààweiŋ nɛ̀ do nàŋ dɛɛ̀, wèè eiŋ ɓɛ̀nɛ̀ŋ nyɛ̀nɛ̀ŋ e tòmo gbee e tɛɛiŋ, e teenga gbiŋ eiŋ tòòmò ko dìa wiì wo Dayà naŋ tɔɔ̀ lɛ.