Nyɛ̀nɛ̀ŋ 5:12 - WƆŊ FƐ̀Ì EBÒ SÌÀŊ DAYÀA

¹² Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.

Nyɛ̀nɛ̀ŋ 5:12 ပူးပေါင်းရင်းမြစ်များ

Jɔ̀ɔŋ 10:23

Ke ɗɔ̀ɔ̀ guùŋ wo Jisɛ̀ yaà wa kaaiŋ kaaiŋ ko jɔ̀ɔ̀lègbèè Saaŋ Zòòlò Dayài àŋ nyaaŋ ko Pìàzà Salemàiŋ lɛ.

Jɔ̀ɔŋ 4:48

Wo Jisɛ̀ naŋ wòò wo kenàaŋ wààŋ, “Nyɛ̀iŋ nààŋ bà nyiŋ naàŋ kɛ̀ɛ̀nɛ̀ŋ è hààwe sɔɔ̀ nɔ̀ŋ naŋ yɛ̀mɛ̀ e kèè mèè yèè maŋ tɔ̀ɔ̀màŋsèì keì maŋ kaaìŋ!”

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 16:18

Wò naŋ wa tɛɛ̀ nyɛ̀nɛ̀ŋ wèè maŋ ɗɔɔ kpàa bà. E keì lɛɛ̀ naŋ wa naàŋ dìè wo Pɔɔ̀ nyààŋ, yèè wò naŋ kìlè koɓɛ̀ wo jɔùŋjɔaà wò naŋ wòò wo jinàŋ naanààaŋ wààŋ, “E dèè Jisɛ̀ Kulaìɛ sùà, mìŋ manaŋ maŋ fòlà wo jɔùŋ jɔa wɛɛ̀ ko sùà.” Ko fɛɛ̀feìŋ wo jinàaŋ nauŋ fòlò ko sùà.

Nyɛ̀nɛ̀ŋ 19:11

Wo Dayà naŋ wa kìɛ̀ŋ wo Pɔɔ̀ e gààŋ wèè wo nyɛ̀nɛ̀ŋ maŋ kèè mèè gbeegbèè.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 28:9

Nààŋ tɛɛ̀ naŋ wa kaaìŋ yèè anyùùŋ nyaŋ naŋ niŋ kòmò, anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ gbànaŋ nyàŋ gbiŋ joà wa ke tiìɛŋ sùà nyaŋ naŋ hnè ko nɛ̀ɛ̀uŋ niìŋ e teenga gbàè gbà sùà, yèè nààŋ wò naŋ nyiŋ gbùwò maŋ kùàŋ yèè wò naŋ nyiŋ zòòlò diɛŋ, àŋ naŋ jòèyè.

Nyɛ̀nɛ̀ŋ 3:11

Wo felaaà naŋ wa dè wo Pììlɛ yèè wo Jɔ̀ɔŋ maŋjɛ̀wɛ wò yaà nyiìŋ kààìŋ kɔɔ fɔ̀ɔ̀ yèè àŋ naŋ kɔ̀ koɓɛ̀i àŋ hewa nyààŋ ko Pìàzà Salemàiŋ lɛ̀. E keìɛ naŋ wa fòònò anyùùŋ nyaŋ gbiŋ yèè àŋ naŋ dùɔ̀ŋ aŋ kà koɓɛ̀i aŋ gbɛ̀ìŋ Pììlɛ yaà wa lɛ̀.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 9:33

Kuii wo Pììlɛ naŋ wa mɛ̀ɛ̀ŋ wo felaa kpɔ̀ɔ̀kpɔɔ bà àŋ nyaaŋ wo Enià. Wo felaa wɛɛ̀ wa naàŋ sààŋ wèè maŋ dòà nɔɔnɔŋ le taai wɔŋ gbùmauŋ nɔɔ̀ŋ sùà.

Nyɛ̀nɛ̀ŋ 9:40

Wo Pììlɛ naŋ tùɔ̀ŋ anyùùŋ nyaŋ gbiŋ ko jɔɔlèi, wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ zoolò. Yèè wò naŋ kìlè koɓɛ̀ e fàaà wò naŋ woò wààŋ, “Tàbità, yewà dìì!” Wo nìeɔ̀ naŋ gbàì le fɛɛ̀uŋ nɛ̀, yèè nààŋ wò naŋ yɛ̀mɛ̀ wo Pììlɛ, wo naŋ yèwè dìì wo jɛi.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

2 Kɔliìŋ 12:12

Maŋ kèè mèè maŋ yaà maŋ tòmò gààŋ gbee màŋ naŋ kaaìŋ wèè maŋ tɔɔ̀ kɛ̀ mìŋ yaà wo keela tàeɗùù lɛ, mìŋ naŋ kùwò ke jii ka kààìŋ maŋ gbiŋ e tɛɛiŋ.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.