Nyɛ̀nɛ̀ŋ 5:11 - WƆŊ FƐ̀Ì EBÒ SÌÀŊ DAYÀA

¹¹ E jùù naŋ wa nyɛ̀nɛ̀ŋ ke gbòò anyuùŋ hààwe nyàŋ yèè anyùùŋ nyaŋ gbiŋ naŋ niŋ wa kòmò lɛ.

Nyɛ̀nɛ̀ŋ 5:11 ပူးပေါင်းရင်းမြစ်များ

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 2:43

Anyùùŋ nyaŋ gbiŋ yaà wa ko Jùlusɛ̀làm nyaŋ, e jùù naŋ wa sɛ̀ɛ̀ maŋ jii nyiŋ màŋ sùà, yèè àŋ naŋ kìɛ̀ŋ e ɓɛ̀ɛ̀jàa gbee koɓɛ̀ Dayài e nyaàiŋ dè maŋ kèè mèè gbeegbèè maŋ aŋ keela tàeɗùù nyaŋ yaà wa nyinie màŋ.

Nyɛ̀nɛ̀ŋ 5:5

Wo Ananayà naŋ nɔŋ tɛɛ̀ kòmò fa, wò sɔ̀à ko dììnaŋ wò fà Kpeiŋ. Yèè anyùùŋ nyaŋ gbiŋ naŋ niŋ wa kòmò lɛ eɓìèmàŋjɛ̀wɛ̀ aŋ yè nyaŋ yaà wa ko fɛɛ̀feìŋ nyaŋ e jùù naŋ nyiŋ nyɛ̀nɛ̀ŋ.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Hiɓu 12:28

Gè wiìŋ Dayà ke sɛ̀, wèè esaɓù kɛ̀ è naìŋ yɛ̀mɛ̀ e kana e yèɛ fè ɓɛ̀nɛ̀ŋ mɛ̀ɛ̀mɛɛŋ lɛ. Kɛ̀ɛ̀nɛ̀ŋ wiìŋ e jòòwo gbee yèè e zoolòiŋ Dayà e ɗewe kiiɛ̀ douŋ nàŋ fɔ̀ɔ̀yɛ̀ jii lɛ̀ e ɓɛ̀ɛ̀jàa sùà.

Hiɓu 4:1

Nààŋ wo Dayà naŋ woò wààŋ wò do wi nàŋ kìɛ̀ŋ e nyiiŋ gèe, e yèɛ wò naŋ jɔ̀ɔ̀ ɗààhiì wèè wo wi kiɛ̀ŋ lɛ, è kuwa eiŋ yɛ̀mɛ̀ yàwi bi diɛŋ, wèè yàwi nààŋ bà guùŋ gbiŋ go niŋ nàŋ sòò yɛ̀mɛ.

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.

Maŋ kèì nyɛɛnɛŋ 15:4

Ɓòò nààŋ naum kìɛ̀ŋ ɓɛ̀ɛ̀jàa e kìlà wo jòòwò e deè mɔ̀ɛ̀, Kanaà? Ɓòò nàŋ do nàŋ gè maŋhɛɛ wèè wo dàànè ebò e gbee mɔ̀ɛ̀? Muàŋ guùŋ nàŋ yaà wo jè nɛɛmaàŋ. Anyùùŋ nyaŋ maŋ fuɔŋ màŋ gbiŋ sùà do nàŋ hnè yèè aum zoolò, esaɓù kɛ̀ àŋ yɛmɛ̀ maŋ kpèè tɔ̀ɔ̀nyaàum màŋ gbiŋ janjai.”