Nyɛ̀nɛ̀ŋ 4:36 - WƆŊ FƐ̀Ì EBÒ SÌÀŊ DAYÀA

^36-37 Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 4:36 ပူးပေါင်းရင်းမြစ်များ

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Nyɛ̀nɛ̀ŋ 12:25

Yèè nààŋ wo Bànaŋɓà yaà wo Sɔɔ̀ naŋ wa kpɛ̀ɛ̀yɛ̀ e tòmoɛ̀ àŋ naŋ wa kɔ̀ nyinie lɛ̀, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wa kɔ̀ɔ̀ wo Jɔ̀ɔŋ, wo yèɔ àŋ nyaaŋ wo Mài wɔ̀ maŋjɛ̀wɛ nyiŋ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:15

Nààŋ anyùùŋ nyaŋ naŋ kpɛ̀ɛ̀yɛ̀ maŋ sàwà Dayà maŋ yèè maŋ fɛi màŋ aŋ wɛ̀ijì nyaŋ naŋ sìngè maŋ kpɛ̀nɛŋ, aŋ sìèfeìŋ nyaŋ ko sààŋ zòòlò aŋ Juùù nyaŋ naŋ tùɔ̀ŋ wo nyùùŋ koɓɛ̀ wo Pɔɔ̀ yaà wo Bànaŋɓà koɓɛ̀i àŋ jaa lɛ̀ yèè wò naŋ nyiŋ woò wààŋ, “Wùìya wi nyàŋ, sèè nìŋ kɛɛnɛ̀ŋ e keì bà gbiŋ wèè naŋ wòò anyùùŋ nyaŋ e yèɛ naŋ nyiŋ ɓɛ̀nɛ̀ŋ kìɛ̀ŋ ke jii nyingè lɛ, nàŋ niŋ ɓɛ̀nɛ̀ŋ wòo.”

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 15:2

E keì bi naŋ wa hìɛ̀ŋ e nyaàntàaŋ wo Pɔɔ̀ yèè wo Bànaŋɓà fèemàŋ. Kpeiŋ àŋ naŋ wa tà wo Pɔɔ̀ yèè wo Bànaŋɓà ɗùù e kpùlìà anyùùŋ bà e yìwìà ko Aŋtiɔ̀ wèè aŋ ka ko Jùlusɛ̀làm aŋ kiɛ̀ŋ ke jii gbài koɓɛ̀ aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ e nyaàiŋ dè e keì lɛɛ̀.

Nyɛ̀nɛ̀ŋ 15:37

Kɛɛ wo Bànaŋɓà manaŋ wa wèè wo Jɔ̀ɔŋ Mài wo nyiŋ dèmanjɛ̀wɛ aŋ ka,

Nyɛ̀nɛ̀ŋ 15:39

Tɛɛ̀ naŋ wa hìɛ̀ŋ kpàànè kpaane e fèèmàŋ nyiŋ tìyèe, yèè àŋ naŋ gòònòè tɛɛ. Wo Bànaŋɓà naŋ ɓèmè wo Mài yèè àŋ naŋ sɛ̀ɛ̀ wɔŋ meeè sùà aŋ nìàŋ ke tììŋ Sapulɔ̀ɛ sùà,

Nyɛ̀nɛ̀ŋ 21:16

Anyuùŋ hààwe nyàŋ bà e yìwìà ko Sesèlià naŋ wi wa dè maŋjɛ̀wɛ yèè àŋ naŋ wi kɔ̀ɔ̀ ko gbòò Meesìŋ wèè eiŋ noo nɔ̀ŋ. Wo Meesìŋ yewe wa ko Sapulɔ̀ yèè wò yaà wa wo nyuùŋ hààweɔ̀ bà guùŋ e yìwìà ko tɔɔtuì.

Nyɛ̀nɛ̀ŋ 21:3

È naiŋ wa hàì koɓɛ̀ bà ko yèi è yɛmɛ̀ìŋ wa ko Sapulɔ̀, yèè è naiŋ kɔ̀ wɔŋ kùàŋ gbɔnɔŋ wɔŋ dakìɔ diɛŋ ko Taà wɔŋ fùɔ̀ŋ Siilìàa, ko yèi anyùùŋ nyaŋ yaà wa kɔɔyɛ wèè aŋ gè manɛ̀ŋ foo nyiŋ màŋ wɔŋ meeèɔ sùà.

Nyɛ̀nɛ̀ŋ 27:4

Nààŋ è naiŋ wa yèwè ko Sidɔ̀ùŋ wɔŋ meeèɔ sùà, wɔŋ dùfòì gbee naŋ tɔ̀ɔ̀tù màaŋ, yèè è naiŋ gbaàì ko gbɛ̀ɛ̀ ke tììŋ Sapulɔ̀ɛ wèè wɔŋ dùfòìɔ go wi wa nàŋ mɔɔnɛ̀ŋ.

Nyɛ̀nɛ̀ŋ 9:27

Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

1 Kɔliìŋ 14:3

Kɛɛ, anyùùŋ wòò ke mìè gbìàŋ wɛ̀ijì nyaŋ àŋ gboo anyùùŋ kɔɔ wèè e nɔ̀ŋ e kpùùmaŋ e nyɛ̀nɛ̀ŋ e hààwe wilɛ̀ e nyìngà sùà, aŋ nyiŋ sìà ke ɗi, yèè aŋ nyiŋ fè jii nyingè.

1 Kɔliìŋ 9:6

Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

Gàla 2:1

Maŋ dòà zììyà jɛ̀wɛ tiinàŋ naŋ mààŋ, yàwi Bànaŋɓà naŋ kɛ̀ɛ̀ maŋjɛ̀wɛ ko Jùlusɛ̀làm, kɛɛ è naŋ wa kɔ̀ɔ̀ wo Taitɔ̀.

Gàla 2:13

Aŋ Juùù hààwe gbànaŋ nyàŋ, naŋ wa tɔ̀ɔ̀tù maŋ kpèè naanààŋ nyɛ̀nɛŋ mààŋ anyuùŋ jàà fɛ̀ɛ̀ keì. Yèè e jùù naŋ nyɛ̀nɛ̀ŋ wo Bànaŋɓà wèè wo gììyà maŋ kpèè naanààŋ nyiŋ màŋ maŋhɛɛ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.