Nyɛ̀nɛ̀ŋ 4:34 - WƆŊ FƐ̀Ì EBÒ SÌÀŊ DAYÀA

³⁴ Wo bà gbiŋ fòo wa kè gboò nyiŋ nɛɛ̀ŋ sùà wò do nɔ̀ŋ è wànàŋ nɛ̀ŋ gbiŋ sùà. Aŋ yè nyaŋ kuwa wa maŋ ɓù ɔ̀ɔ̀ maŋ saaŋ nyàŋ he miŋ wa maàŋ, aŋ hìàŋ e nɛɛnɛɛ̀ŋ àŋ naŋ yɛmɛ̀ lɛ e yìwìà e yèɛ àŋ naŋ maàŋ lɛ,

Nyɛ̀nɛ̀ŋ 4:34 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Luù 22:35

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “E teengaà mìŋ naiŋ wa tùɔ̀ŋ maŋ tàta maŋ sùà lɛ, niŋ gò wa kòà wɔ̀ŋ pɔsɛ̀ ɔ̀ɔ̀ wɔ̀ŋ ɓuù kàaiŋ yèè màŋ ba, kɛɛ nìŋ naŋ wa nyɛ̀nɛ̀ŋ e wànàŋ nɛ̀ŋ gbiŋ?” Yèè àŋ naŋ fasàì nyààŋ, “Kpele.”

Nyɛ̀nɛ̀ŋ 2:45

Àŋ hewa mààŋ manɛ̀ŋ siwè nyiŋ màŋ e kìlà aŋ gòònò e nɛ̀ɛ̀nɛ̀ŋ nyiŋ biɛ̀ e fèemàŋ e ɗeweɛ̀ wo nyùùŋ gbiŋ manaŋ wa lɛ̀.

1Tɛsè 4:12

Tɛɛ̀ nàŋ nyɛnɛŋ anyùùŋ nyaŋ kuwà è hààwe nyàŋ, aŋ kùwìè e ɓɛ̀ɛ̀jàa weèiŋ yèè e kìlà niŋ fè yɛ̀mɛ̀ wò nyùùŋ gbiŋ fɛ̀ɛ̀ wèè è nɛ̀ɛŋ nìŋ naŋ kpɛɛ̀ŋ weè niŋ lɛ̀.

1Time 6:19

Sèè àŋ nyɛnɛŋ maŋ keì sìàŋ mààŋ mɛɛ̀ŋ, àŋ do nàŋ kɛ̀ɛ̀nɛ̀ŋ e sùlò e yèɛ do nàŋ nɔ̀ŋ e kpèe nyìngàà sùà wèè ko dòmàŋfeìŋ nyiŋ niìŋ. E kìlà àŋ do nàŋ ɓɛ̀nɛ̀ŋ yɛ̀mɛ̀ wɔŋ nyiiŋ gèe wɔŋ yèɔ yaà nyììŋ gè tɔ̀ɔ̀nyaàaŋ wɔŋ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.