Nyɛ̀nɛ̀ŋ 4:32 - WƆŊ FƐ̀Ì EBÒ SÌÀŊ DAYÀA

³² Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Nyɛ̀nɛ̀ŋ 4:32 ပူးပေါင်းရင်းမြစ်များ

Jɔ̀ɔŋ 17:11

Dèdà Nɛɛmaàŋ, miŋ fè ɓɛìŋ ànyùùŋ nyaŋ tɛɛ e ɗuunyaàŋ. Mìŋ yaà naàŋ hìnìè ko nɛ̀ɛ̀ŋ muìŋ. Kɛɛ anyùùŋ màŋjɛ̀wɛ̀im nyàŋ kòò àŋ yaà nɔŋ e ɗuunyaàŋ. Yɛ̀mɛ̀ nyiŋ diɛŋ e yìwìà e dèè e gaàŋ gbee mɔ̀ɛ̀ mùŋ naim kiɛ̀ŋ lɛ, wèè kɛ̀ aŋ gbiŋ aŋ nɔ̀ŋ anyùùŋ guùŋ, màànààŋ yàwium tìyèe è yaà anyùùŋ guùŋ lɛ.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 2:1

Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 5:12

Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.

Luùm 12:5

Yɛi nɔŋ yàwi pɛɛ è yààìŋ. È kùwàìŋ maŋ suono suono zimgbe maŋ kpùnaŋ wi màŋ sùà, kɛɛ è yààìŋ nɔŋ guùŋ ke kpùnàŋ Jisɛ̀ Kulaìɛ sùà, yèè ke kpùnàŋ guùŋ aŋ dàwi wi nyàŋ sùà.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.