Nyɛ̀nɛ̀ŋ 4:31 - WƆŊ FƐ̀Ì EBÒ SÌÀŊ DAYÀA

³¹ Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 4:31 ပူးပေါင်းရင်းမြစ်များ

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 2:1

Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 2:2

Ko fɛɛ̀feìŋ e giimè naŋ fòlò ko fùùiŋ mààŋ wɔŋ dùfòì gbee, e kpɛ̀lɛ̀ ke saaàŋ gbiŋ dìì koɓɛ̀i àŋ jaa wa lɛ̀.

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:29

Weètii Kanaà, kùmiàŋ e yèɛ àŋ wòà lɛ yèè e kèè e nànàaŋ àŋ manaŋ aŋ wi jàà lɛ, yèè muŋ gè wi, aŋ ɓɔìjɔ̀àuŋ nyàŋ, nyààŋ diɛŋ, e jùù ɓɔ̀ è nyɛ̀nɛ̀ŋ wi wèè eiŋ wòò ke miè gbìaŋ mɔɛ̀ŋ janyai.

Fèle 1:14

E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Jìiiŋ 1:5

Sèè nyɛ̀iŋ nyɛɛ̀ŋ bà gbiŋ niŋ gò kùwìè è jiikɛ̀ɛ, wo dawè Dayà, wuŋ nàŋ kiɛ̀ŋ nyùùŋ kpùuŋ gbiŋ sengei e yìwìà ke jii fauŋ nɛɛ̀ŋ diɛŋ.