Nyɛ̀nɛ̀ŋ 4:26 - WƆŊ FƐ̀Ì EBÒ SÌÀŊ DAYÀA

²⁶ Aŋ kànà fuɔŋ nyàŋ e dììɛ diɛŋ e ɗuunyaàŋ naŋ bànèbànè nyiŋ bi, yèè anyuùŋ gbeegbèè nyaŋ naŋ dèènè koɓɛ̀ guùŋ wèè aŋ sumiàŋ wo Kanaà yaà wo yèɔ wò naŋ tàeɗùù wèè wo joeyè e ɗuunyaàŋ wɔ, wo Kulaìɔ.’

Nyɛ̀nɛ̀ŋ 4:26 ပူးပေါင်းရင်းမြစ်များ

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Hiɓu 1:9

Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”

Maŋ kèì nyɛɛnɛŋ 12:10

Eɓìèmàŋjɛ̀wɛ̀ tii, mìŋ naŋ kòmò ke mìè kpàaŋ e yìwìà ko àìjɛnɛ̀ŋ kè naŋ woò wààŋ, “E jòèyè Dayàa è ngàà hnàŋ! Wo Dayà ngàà tɔ̀ɔ̀ e gaàuŋ nɛ̀ mààŋ wo Kana! Wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, ngàà tɔ̀ɔ̀ e gaàuŋ nɛ̀! Esaɓù nàŋ yaà kɛ̀, wo yèɔ naŋ wa sìè wo Dayà wiɔ̀ fɛɛ̀feìŋ, yèè wò naŋ gbùwò maŋ keì anyuùŋ hààwe nyàŋ ɗì maŋ gɔɛɛ yèè dùùm wɔ, àuŋ gbìàŋ ko jɔɔlèi e yìwìà ko àìjɛnɛ̀ŋ.

Maŋ kèì nyɛɛnɛŋ 17:17

Wo Dayà naŋ nyɛ̀nɛ̀ŋ aŋ kana nyɛɛ̀ŋ gbiŋ naŋ kɛ̀ɛ̀nɛ̀ŋ ke jìì guùŋ wèè aŋ kiɛ̀ŋ e gaàŋ nyiŋ nɛ̀ koɓɛ̀ wo yilì kùùnoɔ̀. Yèè àŋ do tɛɛ̀ nàŋ nyɛ̀nɛ̀ŋ e jèèsùà e yèɛ wo Kanaà Dayà naŋ woò lɛ e hɛɛnɛ̀ŋ.