Nyɛ̀nɛ̀ŋ 4:21 - WƆŊ FƐ̀Ì EBÒ SÌÀŊ DAYÀA

²¹ Kpeiŋ anyùùŋ gbèègbèè fuɔŋ nyàŋ naŋ nyiŋ naàà nyìnga yèè àŋ naŋ nyiŋ dangè aŋ ka. Anyùùŋ fuɔŋ nyàŋ gò wa yɛ̀mɛ̀ kè dòmaŋ gbiŋ wèè àŋ do kìɛ̀ŋ àŋ felaa nyàŋ è keì nyìnga, esaɓù kɛ̀ anyùùŋ nyaŋ gbiŋ yaà wa tɛ̀ɛ̀nɛ̀ŋ Dayà wèè e keìɛ naŋ wa kaaìŋ lɛ.

Nyɛ̀nɛ̀ŋ 4:21 ပူးပေါင်းရင်းမြစ်များ

Maafiù 15:31

E keì bi naŋ wa fòònò anyùùŋ nyaŋ wèè e yèɛ àŋ naŋ wa yɛmɛ̀ yèè àŋ naŋ kòmò lɛ. Anyùùŋ nyaŋ kòò àŋ gbòò wa nyàŋ naŋ gbòò. Anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ jòèyè, anyuùŋ kpɔ̀ɔ̀kpɔɔ nyàŋ naŋ kaaìŋ, yèè anyuùŋ zììlè le fɛ̀ɛ̀ nyaŋ naŋ yɛ̀mɛ̀ dìì. Anyùùŋ nyaŋ gbiŋ naŋ wa tɛ̀nɛ̀ŋ wo Dàyà Ezɔ̀ɛ̀ɔ.

Maafiù 21:46

Yèè àŋ naŋ kàmè ɗewe wèè aŋ kùwà wo Jisɛ̀, kɛɛ àŋ duɔŋ wa e faaàŋ, esaɓù kɛ̀ anyùùŋ nyaŋ naŋ wa gongò kɛ̀ wò yaà wo wɛ̀ijì.

Maafiù 26:5

Kɛɛ àŋ naŋ wa wòo nyààŋ, “Ɓɔ̀ è nyinìàiŋ niŋ è tèèngà wɔŋ ɗaa geɔ̀ sùà, sèè è nyɛnɛŋ yɛi, anyùùŋ nyaŋ do nàŋ dàà ke gùuŋ.”

Maafiù 9:33

Kɛɛ nààŋ wo Jisɛ̀ naŋ wa gè wo jinàŋ naanààaŋ wo felaaà maŋjɛ̀wɛ, wo felaaà naŋ tɔ̀ɔ̀tù gbòa ko fɛɛ̀feìŋ. E keì lɛɛ̀ naŋ wa fòònò anyùùŋ zimgbe yèè àŋ naŋ tɔ̀ɔ̀tù wòo nyààŋ, “Kòò è yɛ̀mɛ̀ìŋ wa è keì mààŋ tɛɛ̀ bà gbiŋ wèè e kààìŋ wɔ̀ŋ fùɔ̀ŋ Ezɔ̀ɛ̀ɔ sùà!”

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 13:17

E sàngè naŋ wa nyɛ̀nɛ̀ŋ aŋ joouŋ nyàŋ gbiŋ wèè nyiŋ bi nààŋ wò naŋ nyiŋ wa tɛɛ̀ woò, nààŋ anyuùŋ gbànaŋ nyàŋ gbiŋ yaà wa gììyè zɔlɔ̀ wèè maŋ kèè mèè maŋ gbiŋ wò naŋ nyɛ̀nɛ̀ŋ maŋ.

Luù 20:19

Aŋ kààmɔ̀ɔ̀ŋ maŋ Sàwà Dayà nyaŋ yaà aŋ kànà sìèfèìŋ zòòlo nyàŋ, naŋ kàmè ɗewe wèè aŋ kùwà wo Jisɛ̀ ko fɛɛ̀feìŋ, esaɓù àŋ wa nyìmàŋ kɛ̀ ke kàɓanèɛ wò naŋ gè lɛ, kɛ̀ nyiiŋ wò sɔ̀à. Kɛɛ àŋ duɔŋ wa e faaàŋ.

Luù 20:6

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ anyùùŋ nyɛɛ̀ŋ gbiŋ do wi nàŋ hɔ̀wɔ̀, esaɓù kɛ̀ anyùùŋ nyaŋ gbiŋ wa haawè kɛ̀ wo Jɔ̀ɔŋ yaà wa wo wɛ̀ijì.”

Luù 22:2

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà wa kààmè e ɗewe wèè aŋ kùwà wo Jisɛ̀ wèè aŋ jìwàuŋ ke gbùnu sùà, esaɓù kɛ̀ àŋ duɔŋ wa anyùùŋ nyaŋ.

Luù 5:26

Tɛɛ̀ naŋ wa fòònò anyùùŋ nyaŋ gbiŋ. E jùù naŋ nyiŋ nyɛ̀nɛ̀ŋ, àŋ naŋ tɛ̀nɛ̀ŋ wo Dayà àŋ yaà woo nyààŋ, “Kiìŋ è kèè mèè gbee è naiŋ yaà nàaŋ yɛmɛ̀ lɛ!”

Nyɛ̀nɛ̀ŋ 4:17

Kɛɛ wèè eiŋ kèèwè ke nyɛ̀nɛŋ yɛɛ̀ kùàŋ feìŋ wèè ke go nàŋ ɓààyè koɓɛ̀ dii anyùùŋ nyaŋ fèemàŋ, sɔɔ̀ eiŋ nyiŋ naàà wèè kɛ̀ ɓɔ̀ àŋ gbòà ɓɛìŋ kòɓɛ̀ wò nyùùŋ è dèè Kanaà Jisɛ̀ɛ sùà.”

Nyɛ̀nɛ̀ŋ 4:22

Wo felaaà wo yèɔ naŋ wa nɔ̀ŋ jòèyeuŋ e yìwìà e gààŋ e kèè mèè gbèè lɛɛ̀ dìì wɔ naŋ wa nìe maŋ doa kpɛ̀ùŋ tìyèe.

Nyɛ̀nɛ̀ŋ 5:13

Wo nyùnɔ̀ɔŋ gbiŋ wo yèɔ fè wa kè gbòò anyuùŋ hààwe nyàŋ sùà wɔ gò wa nyimèè wèè wo kà àŋ keela nyàŋ kɔɔ, jòòpɛɛ anyùùŋ nyaŋ fè wa kè gbòòɛ sùà nyaŋ hewa gbòà tɛ̀ɛ̀ wèè aŋ keela nyàŋ.

Nyɛ̀nɛ̀ŋ 5:26

Kpeiŋ wo sìèfèìŋ anyuùŋ tùnìàŋ ke Saaŋ Zòòloɛ̀ yaà aŋ kpàkòòuŋ nyàŋ naŋ kɔ̀ yèè àŋ naŋ hìɛ̀ŋ aŋ keela tàeɗùù nyaŋ koɓɛ̀ anyùùŋ gbèègbèè fuɔɔ̀ŋ. Kɛɛ aŋ gò wa ɓùlà aŋ keela nyàŋ, esaɓù kɛ̀ e jùùɛ yaà nyiìŋ wa wèè anyùùŋ nyaŋ go nyiŋ wa nàŋ hɔ̀wɔ̀ nyinoo nyuùŋ tùnìàŋ Saaŋ Zòòloɛ̀.

Nyɛ̀nɛ̀ŋ 5:40

Aŋ naŋ nyààŋ aŋ keela nyàŋ ko saaìŋ, yèè anyuùŋ gbeegbèè nyaŋ naŋ wa kìɛ̀ŋ e gààŋ koɓɛ̀ anyuùŋ tùnìàŋ ke sààŋ nyìwìɛ wèè aŋ nyiŋ ɓùlà. Kpeiŋ àŋ naŋ nyiŋ naàà kɛ̀ ɓɔ̀ àŋ gbuuyà wa ɓɛìŋ è dèè Kanaà Jisɛ̀ɛ sùà julɔfɔ, yèè àŋ naŋ nyiŋ dangè àŋ naŋ kɔ̀.