Nyɛ̀nɛ̀ŋ 4:2 - WƆŊ FƐ̀Ì EBÒ SÌÀŊ DAYÀA

² Àŋ naŋ wa tuù esaɓù kɛ̀ aŋ keela tàeɗùù nyaŋ yaà wa kàà sùà anyùùŋ nyaŋ kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà. Tii naŋ wa tɔɔ̀ kɛ̀ anyuùŋ fà nyàŋ gbiŋ do nàŋ yèwè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 4:2 ပူးပေါင်းရင်းမြစ်များ

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 19:23

E teenga bi sùà e gbɔ̀ɔ gbee naŋ wa sɔ̀ɔ̀ ko Ɛfesɔ̀ e nyaàiŋ dè ke Dòmàŋ Kanaà Jisɛ̀ɛ.

Nyɛ̀nɛ̀ŋ 24:21

E keìɛ nɔŋ àŋ naim gbùwà ɗì lɛ nàŋ yaà e yèɛ mìŋ naŋ woò ke miè gbee sùà nààŋ mìŋ sìà nyiìŋ ko fɛɛ̀feìŋ mìàŋ, ‘Mìŋ yaà nàaŋ kɔ̀ɔ̀yɛ̀ e gbài dìì esaɓù kɛ̀ mìŋ naŋ haawè kɛ̀ anyuùŋ fàa nyàŋ do nàŋ yèwè e fàaà dìì wɔŋ nyiiŋ gèeo sùà.’ ”

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 26:8

Wèè kiìŋ nyɛ̀iŋ nyàŋ yaà kià nyaŋ naŋ ɓɛ̀nɛ̀ŋ gè maŋhɛɛ kɛ̀, wo Dayà fè ɓɛ̀nɛ̀ŋ gè wò nyùùŋ è fàa dìì wɔŋ nyiiŋ gèeo sùà?

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

1 Kɔliìŋ 15:23

Wo nyùùŋ gbiŋ do nàŋ yèwè e fàaà dìì e ɗewe kii titi bà sùà, wo Jisɛ̀ Kulaì, wuŋ jiɛ̀, kpeiŋ e tèèngà hnàuŋ nɛ̀ sùà, aŋ yè nyaŋ yaà weèuŋ nyàŋ wo nyiŋ hiàŋ.