Nyɛ̀nɛ̀ŋ 4:19 - WƆŊ FƐ̀Ì EBÒ SÌÀŊ DAYÀA

¹⁹ Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

Nyɛ̀nɛ̀ŋ 4:19 ပူးပေါင်းရင်းမြစ်များ

Maafiù 22:21

Aŋ naŋ fasàì nyààŋ, “Wo Kanaà Siisɔ̀.” Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ wo Kanaà Siisɔ̀ e nɛ̀ɛŋ wò kanaŋ lɛ̀, yèè muŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Luù 22:8

Kpeiŋ wo Jisɛ̀ naŋ tùɔ̀ŋ wo Pììlɛ yaà wo Jɔ̀ɔŋ yèè wò naŋ nyiŋ woò wààŋ, “Kɔ̀aìŋ yèè niŋ e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weè wi.”

Jɔ̀ɔŋ 7:24

Ɓɔ̀ mùŋ gbaì wò nyùùŋ wèè èsàɓù è nɛ̀ɛŋ wò naŋ nyɛ̀nɛ̀ŋ è naŋ tèènè è bàa lɛ̀, kɛɛ gbàì wò nyùùŋ wèè e yèɛ wò naŋ nyɛ̀nɛ̀ŋ è yaà tɔ̀ɔ̀nyaàŋ lɛ.”

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”

Nyɛ̀nɛ̀ŋ 5:29

Wo Pììlɛ yèè aŋ keela tàeɗùù gbànaŋ nyàŋ naŋ nyiŋ fasàì nyààŋ, “È kuwa eiŋ nyɛ̀nɛ̀ŋ e yèɛ wo Dayà manaŋ wèè eiŋ nyɛ̀nɛ̀ŋ lɛ, e kuwàìŋ è kpàŋ wèè eiŋ nyɛ̀nɛ̀ŋ è yèɛ anyuùŋ kpùuŋ manaŋ lɛ̀.

1 Kɔliìŋ 10:15

Mìŋ yààìŋ gbùùyè e kɔɔ mààŋ anyuùŋ kɛ̀ɛ̀jii. Hàaìŋ kiti nyɛ̀iŋ bi wèè nɛ̀ɛŋ mìŋ naŋ woò lɛ.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Ɛfesɔ̀ 6:1

Jɔ̀àkàiŋ nyàŋ, nààŋ nìŋ yaà anyùùŋ màŋjɛ̀wɛ̀ Kanaà lɛ, jɔ̀ɔ̀lɔìŋ anyuùŋ kòmaiŋ nyàŋ dìì, tɛɛ̀ nàŋ yaà e keì tɔ̀ɔ̀nyaàŋ wèè naŋ nyɛ̀nɛ̀ŋ.

1Time 2:3

E zòòlo mààŋ tɛɛ̀ è yaà tɛ̀ɛ̀, yèè è fɔɔyɛ̀ wo Dayà wo Nyuùŋ Jòèye wiɔ̀ ke jii,

Hiɓu 11:23

E hààwe naŋ nyɛ̀nɛ̀ŋ anyùùŋ kòmàŋ Mòòze nyàŋ nauŋ wa nyɛɛnɛ̀ŋ wèè maŋ wàà taai e teengaà àŋ nauŋ wa kòmò lɛ. Anyuùŋ kòmauŋ nyàŋ naŋ yɛmɛ̀ kɛ̀ wo Mòòze yaà wa wo jɔ̀à siaŋ, weètii e jùù gò nyiŋ wa nyɛ̀nɛ̀ŋ wèè aŋ gììyà kè sàwà kànà fuɔ̀ŋ màŋhɛɛ.

Jìiiŋ 2:4

Kɛ̀ nàŋ nyɛ̀nɛ̀ŋ naanààŋ, nàŋ hìàŋ e tɛɛ gòòno nyɛ̀iŋ bi e fèemàŋ e kìlà nàŋ nɔ̀ŋ mààŋ anyuùŋ hàà kiti naanààŋ.