Nyɛ̀nɛ̀ŋ 4:13 - WƆŊ FƐ̀Ì EBÒ SÌÀŊ DAYÀA

¹³ È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:13 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 26:71

Kpeiŋ nààŋ wò naŋ fòlò wò naŋ kɔ̀ ekàmààŋ wɔŋ gbàngiɔ̀ yɛmgbɛ̀, wo jɔùŋ ɓɔìjɔ̀àa bà guùŋ nauŋ noo yɛmɛ̀ wò siao yèè wò naŋ tɔ̀ɔ̀tù anyùùŋ nyaŋ siao nyàŋ wòo wààŋ, “Wo felaa wɛɛ̀ yaà wo Jisɛ̀ e yìwìà ko Naazɔ̀ɛ̀ yaà weè koɓɛ̀ guùŋ!”

Maafiù 26:73

E teenga kpàa bà naŋ ɓɛìŋ mààŋ yèè anyùùŋ nyaŋ siao nyàŋ naŋ ɓɛìŋ tɔ̀ɔ̀ wo Pììlɛ kiiyò nyààŋ, “Muŋ fè ɓɛ̀nɛ̀ŋ gè maŋhɛɛ kɛ̀ tɔɔɓaa muŋ fè wò bà guùŋ, esaɓù kɛ̀, e ɗewe kiiɛ̀ mùŋ gboo lɛ̀ tiŋ naum tɔɔ̀ kɛ̀ mùŋ yaà wo nyùnòò ko Galaliì.”

Luù 22:8

Kpeiŋ wo Jisɛ̀ naŋ tùɔ̀ŋ wo Pììlɛ yaà wo Jɔ̀ɔŋ yèè wò naŋ nyiŋ woò wààŋ, “Kɔ̀aìŋ yèè niŋ e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weè wi.”

Jɔ̀ɔŋ 19:26

Nààŋ wo Jisɛ̀ naŋ yɛ̀mɛ̀ wo yèyeuŋ nɔɔ̀ŋ yèè wo nyùùŋ màŋjɛ̀wɛ̀ɔ wò manaŋ wa wɔ̀ àŋ sia koɓɛ̀ guùŋ, wo Jisɛ̀ naŋ wòò wo nààŋ wààŋ, “Yèye, wo jɔ̀àfelaa mɔɔ̀ŋ wii.”

Jɔ̀ɔŋ 7:15

È naŋ wa fòònò anyùùŋ gbèègbèè aŋ Juùù nyaŋ zimgbe wèè e ɗewe kiiɛ̀ wò yaà wa kàà sùà anyùùŋ nyaŋ lɛ̀, yèè àŋ naŋ dawè nyààŋ, “Dièsɔa wo felaa wɛɛ̀ naŋ nyɛ̀nɛ̀ŋ wò naŋ nyìmè maŋ keì mɛɛ̀ŋ gbiŋ fèemàŋ tɛ̀ɛ̀, tiŋ zà kòò wò kɔ̀ wa è kàa dìì wèè wo miŋ gbeè?”

Jɔ̀ɔŋ 7:49

Anyùùŋ nyaŋ e dììɛ diɛŋ aŋ nyimààŋ màŋ Sàwà Dayà maŋ, weètii wo Dayà do nyiŋ nàŋ nimilà.”

Nyɛ̀nɛ̀ŋ 4:14

Kɛɛ aŋ gò wa ɓɛ̀nɛ̀ŋ è keì gbiŋ wòo, esaɓù kɛ̀ àŋ naŋ wa yɛ̀mɛ̀ wo felaaà wo Pììlɛ yèè wo Jɔ̀ɔŋ naŋ wa sùngò wɔ sìà nyìŋ nèè kɔɔ.

Nyɛ̀nɛ̀ŋ 4:19

Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

Nyɛ̀nɛ̀ŋ 4:29

Weètii Kanaà, kùmiàŋ e yèɛ àŋ wòà lɛ yèè e kèè e nànàaŋ àŋ manaŋ aŋ wi jàà lɛ, yèè muŋ gè wi, aŋ ɓɔìjɔ̀àuŋ nyàŋ, nyààŋ diɛŋ, e jùù ɓɔ̀ è nyɛ̀nɛ̀ŋ wi wèè eiŋ wòò ke miè gbìaŋ mɔɛ̀ŋ janyai.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 9:27

Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

Nyɛ̀nɛ̀ŋ 9:28

Yèè wo Sɔɔ̀ naŋ wa naàŋ nɔ̀ŋ aŋ keela tàeɗùù nyaŋ maŋjɛ̀wɛ aŋ kìlìà ko Jùlusɛ̀làm gbiŋ, wò yaà gbùùyè e dèè wo Kanaà sùà.

1 Kɔliìŋ 1:27

E nɛ̀ɛŋ e ɗuunyaàŋ naŋ nyààŋ e ɓàaɓàa lɛ̀, tiŋ wo Dayà naŋ tàeɗùù titi wèè esaɓù, tiŋ nàŋ yaà wèè wo sìà anyuùŋ kɛ̀ɛ̀jii nyàŋ e sàngè, yèè wò naŋ ɓèmè e nɛ̀ɛŋ e ɗuunyaàŋ nyaaŋ e zɔ̀kpɔ̀ lɛ wèè wo sìà anyùùŋ gààŋ nyaŋ e sàngè.

1 Kɔliìŋ 14:25

maŋ gòngò gbùnu nyiŋ màŋ jii nyiŋ màŋ sùà do nàŋ fòlò ko ɓài, e kìlà aŋ gbuwo aŋ zoolò kɛ̀, “Tɔɔɓaa wo Dayà kòò wò yaà nyiìŋ e tɛɛ.”

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,