Nyɛ̀nɛ̀ŋ 3:26 - WƆŊ FƐ̀Ì EBÒ SÌÀŊ DAYÀA

²⁶ Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 3:26 ပူးပေါင်းရင်းမြစ်များ

Maafiù 1:21

Wò do nàŋ kòmò wo jɔ̀àfelaa, yèè mùŋ kuwa mauŋ jàà e dèèɛ wo Jisɛ̀. Esaɓù kɛ̀, wuŋ nàŋ do nàŋ jòèyè anyunùuŋ nyàŋ e yìwìà maŋ jùumù nyiŋ màŋ sùà.”

Maafiù 15:24

Kpeiŋ wo Jisɛ̀ naŋ nyiŋ fasàì wààŋ, “Wo Dayà naim wa nɔŋ tùɔ̀ŋ koɓɛ̀ anyùùŋ nyaŋ ko Ezɔ̀ɛ̀, esaɓù kɛ̀ àŋ yaà mààŋ ke gbòò aŋ ɓaawaa ke yèɛ naŋ go yɛ̀.”

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 4:22

Anyùùŋ nyaŋ e yìwìà ko Sàmilià aŋ nyimààŋ kɛ̀ ɓòò àŋ zoolà. Kɛɛ yàwi nààŋ Juùù nyaŋ èiŋ nyìmàŋ wo Dayàa è zoolàìŋ wɔ, yèè esaɓù wilɛ̀ sùà anyùùŋ nyaŋ gbiŋ e ɗuunyaàŋ àŋ do nàŋ jòèyè.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Nyɛ̀nɛ̀ŋ 3:20

Sèè nìŋ nyɛnɛŋ yɛi, e teenga do nàŋ hnè nìŋ do nàŋ nyìmè kɛ̀ wo Kanaà Dayà kòò wò yààìŋ kìɛ̀ŋ sùà kpùùmaŋ, e kìlà ke ɗɔ̀ɔ̀ guùŋ wò do nàŋ tùɔ̀ŋ wo Kanaà Jisɛ̀, wo yèɔ wò naŋ naàŋ tàeɗùù tɛ wɔ̀, wo Kulaìɔ, wèè wo hiàŋ e jòèye e ɗuunyaàŋ e weèiŋ.

Nyɛ̀nɛ̀ŋ 3:22

Wo Mòòze naŋ woò wààŋ, ‘Wo Kanaà Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ. Wò do nàŋ nɔ̀ŋ wo wùìyaiŋ nɔɔ̀ŋ bà guùŋ, jɔ̀ɔ̀lɔìŋ e yèɛ gbiŋ wò doiŋ nàŋ woò lɛ dìì.

Nyɛ̀nɛ̀ŋ 3:25

E yìwìà aŋ keelauŋ nyàŋ sùà, wo Dayà naŋ wa jɔ̀ɔ̀ ɗààhiì weèiŋ, yèè nìŋ yaà aŋ bàiŋbà wèè e ɗààhìì e mìèsùàguùŋ lɛ wo Dayà naŋ wa nyɛ̀nɛ̀ŋ koɓɛ̀ aŋ nèwàènèweiŋ nyàŋ lɛ. Wo Dayà naŋ wa wòò wo Eɓulɔhɛɛ̀ŋ wààŋ, ‘E yìwìà aŋ jɔ̀ɛ̀ jɔ̀ɛ̀ɛum nyàŋ sùà mìŋ do nàŋ kpùùmò anyùùŋ nyaŋ gbiŋ e dììɛ diɛŋ.’

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 15:29

Sèè mìŋ haì ko nɛ̀ɛ̀iŋ niìŋ ko Luùm, kà nyìmàŋ mìŋ doiŋ nàŋ hìɛ̀ŋ e kpùùmaàŋ gbiŋ e yìwìà Kulaì sìwè.

Luùm 15:8

Tɔ̀ miŋ woòiŋ e tɔɔɓaaà kɛ̀, wo Jisɛ̀ Kulaì naŋ hnè wèè wo wa nɔ̀ŋ wo ɓɔìjɔ̀à tòmo wèè aŋ Juùù nyaŋ àŋ naŋ wa jàà kpùa nyàŋ, wèè wo tɔɔ̀ kɛ̀ wo Dayà yaà e tɔ̀ɔ̀nyaàŋ sùà wèè e ɗààhiìɛ wò naŋ wa ɓemè koɓɛ̀ aŋ nèwàènèwè nyiŋ nyàŋ lɛ e hɛɛnɛ̀ŋ,

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.