Nyɛ̀nɛ̀ŋ 3:25 - WƆŊ FƐ̀Ì EBÒ SÌÀŊ DAYÀA

²⁵ E yìwìà aŋ keelauŋ nyàŋ sùà, wo Dayà naŋ wa jɔ̀ɔ̀ ɗààhiì weèiŋ, yèè nìŋ yaà aŋ bàiŋbà wèè e ɗààhìì e mìèsùàguùŋ lɛ wo Dayà naŋ wa nyɛ̀nɛ̀ŋ koɓɛ̀ aŋ nèwàènèweiŋ nyàŋ lɛ. Wo Dayà naŋ wa wòò wo Eɓulɔhɛɛ̀ŋ wààŋ, ‘E yìwìà aŋ jɔ̀ɛ̀ jɔ̀ɛ̀ɛum nyàŋ sùà mìŋ do nàŋ kpùùmò anyùùŋ nyaŋ gbiŋ e dììɛ diɛŋ.’

Nyɛ̀nɛ̀ŋ 3:25 ပူးပေါင်းရင်းမြစ်များ

Luù 1:72

Wo Dayà wààŋ wò do nàŋ tɔ̀ɔ̀ ke nyowo koɓɛ̀ anyuùŋ wi nyàŋ, e kìlà wo jàà e ɗààhìì e mìèsùàgùùŋ nɛɛmauŋ nɛ̀ jii.

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

Luùm 15:8

Tɔ̀ miŋ woòiŋ e tɔɔɓaaà kɛ̀, wo Jisɛ̀ Kulaì naŋ hnè wèè wo wa nɔ̀ŋ wo ɓɔìjɔ̀à tòmo wèè aŋ Juùù nyaŋ àŋ naŋ wa jàà kpùa nyàŋ, wèè wo tɔɔ̀ kɛ̀ wo Dayà yaà e tɔ̀ɔ̀nyaàŋ sùà wèè e ɗààhiìɛ wò naŋ wa ɓemè koɓɛ̀ aŋ nèwàènèwè nyiŋ nyàŋ lɛ e hɛɛnɛ̀ŋ,

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Gàla 3:16

Kɛɛ yɛi nɔŋ è yaà e nyaàiŋ dè maŋ ɗààhiì maŋ wo Dayà naŋ wa ɓemè koɓɛ̀ Eɓulɔhɛɛ̀iŋ yaà wo jɔ̀ɛ̀ɛ̀jɔ̀ɛɛuŋ nɔɔ̀ŋ bà guùŋ lɛ. Maŋ ɗààhiì mɛɛ̀ŋ gò wa nɔ̀ŋ wèè àŋ jɔ̀ɛ̀ɛ̀jɔ̀ɛɛ zimgbe, kɛɛ màŋ yaà wa nɔŋ wèè wo nyùùŋ guùŋ, yèè wo nyùùŋ bi nàŋ yaà wo Jisɛ̀ Kulaì.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Gàla 3:8

Wɔŋ fɛ̀ì Dayàa woò kɛ̀, wo Dayà do naŋ jàà anyùùŋ nyaŋ fè àŋ Juùù nyaŋ kùàŋ dìì esàɓù e hààwè tɔ̀ɔ̀nyaàŋ nyiŋ nɛ̀. E kìlà wɔŋ fɛ̀ì Dayà naŋ wa wòò Ebò Siaàŋ wo Eɓulɔhɛɛ̀ŋ wààŋ, “E yìwìà esaɓù mɔ̀ɛ̀ sùà wo Dayà do nàŋ kpùùmò anyùùŋ nyaŋ gbiŋ.”

Maŋ kèì nyɛɛnɛŋ 14:6

Mìŋ naŋ ɓɛìŋ yɛ̀mɛ̀ wo màikà joo bà wò yaà wuwuie ko fùùiŋ, wo kuwa ke miè gbìaŋ gò kɛ̀ɛ̀nɛ̀ŋ dìaà e nyaàiŋ dè Ebò Siaàŋ, wèè wo dàànè niŋ koɓɛ̀ anyùùŋ nyaŋ gbiŋ maŋ fuɔŋ màŋ sùà e dììɛ diɛŋ, koɓɛ̀ wo nyuùŋkpùuŋ ziì gbiŋ, e ziì gbiŋ, wɔŋ kàìŋ gbiŋ, yaà e ɗuunyaàŋ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.

Maŋ kèì nyɛɛnɛŋ 7:9

Eɓìèmàŋjɛ̀wɛ̀ tɛɛ̀, mìŋ naŋ yɛ̀mɛ̀ anyuùŋ kpùuŋ jika aŋ yè nyaŋ wo nyùùŋ gbiŋ fè wa ɓɛ̀nɛ̀ŋ kpɛ̀nɛŋ nyàŋ. Àŋ yewe wa anyuùŋ kpùuŋ ziì gbiŋ sùà, maŋ ziì maŋ gbiŋ sùà, maŋ fuɔŋ màŋ gbiŋ sùà, yèè maŋ kàìŋ maŋ gbiŋ sùà. Aŋ gbiŋ naŋ sìè ke kpùà kanaà yaà wo Ɓaawaaà feìŋ, àŋ naŋ gɔ̀àì maŋ ɓuuɓane fua yèè àŋ kuwa maŋ siesaŋ sìwè.