Nyɛ̀nɛ̀ŋ 3:23 - WƆŊ FƐ̀Ì EBÒ SÌÀŊ DAYÀA

²³ Wo nyùnɔ̀ɔŋ gbiŋ gò jɔ̀ɔ̀lɔ̀ wò keela wii dìì kè jiiuŋ nɛɛ̀ŋ sùà wɔ, wò do nàŋ fòlò ke gbòò anyùùŋ Dayà nyaŋ tɛɛ.’

Nyɛ̀nɛ̀ŋ 3:23 ပူးပေါင်းရင်းမြစ်များ

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Hiɓu 10:39

E fèìŋ mààŋ ànyùùŋ nyaŋ naŋ fè è hààwe nyiŋ nɛ̀ jɛwɛ yèè àŋ naŋ fɔ̀ nyaŋ. È doiŋ nàŋ jèè e hààwe maŋ nyiiŋ gèe wi màŋ sùà e jèèsùà wo Dayà wo wi joeyè .

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 20:15

Anyùùŋ nyaŋ gbiŋ maŋ deè nyiŋ màŋ fè wa sìnga miŋ wɔ̀ŋ fɛ̀ì anyuùŋ gè nyiiŋ nyàŋ sùà nyaŋ, àŋ naŋ nyiŋ wa gbìɛ̀ŋ ko hmɔɔ̀ŋ gbee.