Nyɛ̀nɛ̀ŋ 3:22 - WƆŊ FƐ̀Ì EBÒ SÌÀŊ DAYÀA

²² Wo Mòòze naŋ woò wààŋ, ‘Wo Kanaà Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ. Wò do nàŋ nɔ̀ŋ wo wùìyaiŋ nɔɔ̀ŋ bà guùŋ, jɔ̀ɔ̀lɔìŋ e yèɛ gbiŋ wò doiŋ nàŋ woò lɛ dìì.

Nyɛ̀nɛ̀ŋ 3:22 ပူးပေါင်းရင်းမြစ်များ

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Luù 13:33

Kɛɛ mìŋ do nàŋ dè dòmàŋ nàaŋ, nàwèè yèè ke ɗɔɔɛ̀ bàa. Esaɓù kɛ̀ ko Jùlusɛ̀làm nàŋ siaŋ wèè ao jìwìà wo wɛ̀ijì.”

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Nyɛ̀nɛ̀ŋ 7:37

Wo Mòòzè naŋ wa wòò aŋ wùìyauŋ nyàŋ, anyùùŋ Ezɔ̀ɛ̀ nyaŋ wààŋ, ‘Wo Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ, yèè wò do nàŋ nɔ̀ŋ wo wùìyaiŋ nɔɔ̀ŋ bà guùŋ.’

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Gàla 4:4

Kɛɛ nààŋ e teenga kɛnɛɛ̀ naŋ wa haì, wo Dayà naŋ tùɔ̀ŋ wo Jɔ̀àfelaauŋ nɔɔ̀ŋ, yèè wo jɔùŋ nauŋ kòmò. Wo Jɔ̀àfelàà Dayàa naŋ wa jɔ̀ɔ̀lɔ̀ ke Sàwà aŋ Juùù nyaŋ dìì,

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Maŋ kèì nyɛɛnɛŋ 1:1

Wɔŋ fɛi wɛɛ̀ŋ nàŋ yaà maŋ keì maŋ yaà wa ko nyɛɛnɛŋ maŋ yè maŋ wo Jisɛ̀ Kulaì naŋ wa gɔ̀àì sùà maŋ. Wo Dayà nauŋ wa tɔ̀ɔ̀ maŋ kèì ko nyɛɛnɛŋ mɛɛ̀ŋ wèè wo woò anyuùŋ hààweuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà. Kpeiŋ wo Jisɛ̀ Kulaì naŋ kìɛ̀ŋ ke miè gbìaàŋ koɓɛ̀ wo màikàuŋ nɔɔ̀ŋ wèè wo koà nyiŋ koɓɛ̀ wo ɓɔìjɔ̀àuŋ nɔɔ̀ŋ Jɔ̀ɔŋ.