Nyɛ̀nɛ̀ŋ 3:16 - WƆŊ FƐ̀Ì EBÒ SÌÀŊ DAYÀA

¹⁶ E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.

Nyɛ̀nɛ̀ŋ 3:16 ပူးပေါင်းရင်းမြစ်များ

Maafiù 14:29

Wo Jisɛ̀ nauŋ woò wààŋ, “Hnaàŋ.” Wo Pììlɛ naŋ fòlò ko gɔì yèè wò naŋ tɔ̀ɔ̀tù kààìŋ e wùìyèɛ diɛŋ wò yaà kɔ̀ɔ̀yɛ̀ koɓɛ̀ Jisɛ̀i.

Maafiù 9:22

Kpeiŋ, wo Jisɛ̀ naŋ kìlè yèè wò nauŋ woò wààŋ, “Nìe siaŋ wɛɛ̀, kɛ̀ɛ̀nɛɛ̀ŋ ke jii nyingè, e hààwe mɔ̀ɛ̀ èum joeyè.” Ko fɛɛ̀feìŋ wo nìeɔ̀ naŋ jòèyè.

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Jɔ̀ɔŋ 7:23

Sèè wo jɔ̀àfelaa nɔ̀ŋ ke kpùà jàa ke Ɗɔ̀ɔ̀ Zòòlò aŋ Juùù nyaŋ diɛŋ wèè niŋ go nàŋ pɔ̀ɔ̀ ke sàwà Mòòzeɛ̀, kɛ̀ wèè kiìŋ nìŋ naim tùù sìwè e fòfoo mìŋ naŋ sùngò wo nyùùŋ bà ke ɗɔ̀ɔ̀ guùŋ bi bà diɛŋ miàŋ pɛɛ?

Nyɛ̀nɛ̀ŋ 14:9

Wo felaaà jaao wa wò yaà kùmìè e yèɛ wo Pɔɔ̀ yaà wa woo lɛ̀. Nààŋ wo Pɔɔ̀ nauŋ wa yɛmɛ̀ kɛ̀ wò kuwa e hààwe wo Jisɛ̀ sùà yèè wò wa ɓɛ̀nɛ̀ŋ nɔ̀ŋ sùngauŋ, wo Pɔɔ̀ naŋ yɛ̀mɛ̀ wo felaaà dììŋ

Nyɛ̀nɛ̀ŋ 16:18

Wò naŋ wa tɛɛ̀ nyɛ̀nɛ̀ŋ wèè maŋ ɗɔɔ kpàa bà. E keì lɛɛ̀ naŋ wa naàŋ dìè wo Pɔɔ̀ nyààŋ, yèè wò naŋ kìlè koɓɛ̀ wo jɔùŋjɔaà wò naŋ wòò wo jinàŋ naanààaŋ wààŋ, “E dèè Jisɛ̀ Kulaìɛ sùà, mìŋ manaŋ maŋ fòlà wo jɔùŋ jɔa wɛɛ̀ ko sùà.” Ko fɛɛ̀feìŋ wo jinàaŋ nauŋ fòlò ko sùà.

Nyɛ̀nɛ̀ŋ 3:6

Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!”

Nyɛ̀nɛ̀ŋ 3:8

Wo felaaà naŋ vaì wo sie, yèè wò naŋ tɔ̀ɔ̀tù kààìŋ kaaiŋ. Kpeiŋ wò naŋ jɔ̀ ko Saaŋ Zòòlò Dayài yaà aŋ gbɛ̀ìŋ Pììlɛ, wò yaà kaaiŋ wò gè vàìvai wò yaà tɛ̀nɛ̀ŋ sùà wo Dayà.

Nyɛ̀nɛ̀ŋ 4:10

tɔ̀ e woòiŋ, e kpùlìà nyɛ̀iŋ nààŋ nyùùŋ Ezɔ̀ɛ̀ nyaŋ gbiŋ kɛ̀, wo felaa wɛɛ̀ sìàìŋ yaà ko fɛɛ̀feìŋ wɔ naŋ nɔ̀ŋ jòèyauŋ janyai e gààŋ Jisɛ̀ Kulaìɛ sùà e yìwìà ko Naazɔ̀ɛ̀, wo yèɔ nìŋ naŋ wa jìwìè vànèkpaaà diɛŋ wɔ̀ yèè wo Dayà nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 4:7

Àŋ naŋ hìɛ̀ŋ wo Pììlɛ yaà wo Jɔ̀ɔŋ ko fɛɛ̀feìŋ yèè àŋ naŋ nyiŋ dawè nyààŋ, “Diè nìŋ naŋ nyɛ̀nɛ̀ŋ e keì lɛɛ̀ naŋ kaaìŋ? Kiìŋ è gààŋ ɔ̀ɔ̀ dèè ɓòò diɛŋ le?”

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.