Nyɛ̀nɛ̀ŋ 3:14 - WƆŊ FƐ̀Ì EBÒ SÌÀŊ DAYÀA

¹⁴ Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

Nyɛ̀nɛ̀ŋ 3:14 ပူးပေါင်းရင်းမြစ်များ

Maafiù 27:20

Kpeiŋ aŋ kànà sìèfèìŋ zòòlo gbee nyàŋ yèè aŋ màmànkùmɛ̀ŋ fuɔɔ̀ŋ naŋ pɔ̀wɔ̀ anyùùŋ nyaŋ wèè aŋ dawè wèè wo Bàlaɓà kɛɛ aŋ jìwà wo Jisɛ̀.

Luù 1:35

Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 23:25

Wò naŋ dàngè wo Bàlaɓà wo ka, wo yèɔ àŋ naŋ wa gbìɛ̀ŋ ko sààŋ nyìwì esaɓù kɛ̀ wò naŋ wa dàà e gbɔ̀ɔɔ e kànà fuɔɔ̀ŋ diɛŋ e kìlà wò naŋ jìwè nyùùŋ, esaɓù kɛ̀ wuŋ anyùùŋ nyaŋ manaŋ wa wèè wo dangè. Kpeiŋ wò naŋ kìlè wo Jisɛ̀ ko nɛ̀ɛ̀ŋ nyiŋ niìŋ wèè nyiniàuŋ e nɛ̀ɛŋ àŋ manaŋ wa lɛ̀.

Jɔ̀ɔŋ 16:10

È yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è tɔ̀ɔ̀nyààŋ Dayàa, esaɓù kɛ̀ mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ, yèè niŋ naàim wa nàwèè ɓɛìŋ yɛmɛ̀.

Jɔ̀ɔŋ 18:40

Kɛɛ aŋ kànà sìèfèìŋ zòòlo nyàŋ yèè e faaàŋ naŋ kpààŋ sɛiŋ nyààŋ, “Kpele, e manàuŋ! Kìɛ̀ŋ wi wo Bàlaɓà.” Wo Bàlaɓà zà naŋ wa jìwè wo nyùùŋ bà e tèèngà e gbɔ̀ɔ̀ e kànà fuɔɔ̀ŋ bà.

Nyɛ̀nɛ̀ŋ 13:28

Yèè jòòpɛɛ aŋ gò wa yɛ̀mɛ̀ èsaɓù bà gbiŋ wèè aŋ wa jìwà wò Jisɛ̀, yɛ̀ì nɔŋ è yaà àŋ naŋ wa dàwè wo Paalè wèè wo jìwàuŋ.

Nyɛ̀nɛ̀ŋ 2:27

Muàum Dayà muŋ naàŋ dàngè wɔ̀ŋ nyììŋ jinàŋ miɔ̀ŋ wɔŋ jèè kò nyùùm koɓɛ̀ e ɗùùnyàŋ anyuùŋ fàa nyàŋ, miàŋ nàŋ yaà wo ɓɔ̀ìjɔ̀à nɛɛmaŋ mɔɔ̀ŋ, muŋ naàŋ nyimèè wèè kè kpùnaŋ miɛ̀ŋ ke hèwà kè hùaàŋ sùà.

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Jìiiŋ 5:6

Nàŋ jèè e keì anyùùŋ, nàŋ jìwà anyuùŋ tɔ̀ɔ̀nyaàŋ, aŋ yè nyaŋ gòiŋ wa gàngà sìwè nyaŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

Maŋ kèì nyɛɛnɛŋ 3:7

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Fèlèdɛfià. “Ke miè gbìaàŋ kɛɛ̀ e yìwìà wo yèɔ yaà nɛɛmaŋ yèè e tɔ̀ɔ̀nyaàŋ sùà wɔ. Wuŋ nàŋ kuwa e jììŋ Kanaà Dèèweɛ̀, yèè sèè wò yilà wɔŋ gbemgbee, wo nyùùŋ gbiŋ fè wuŋ yìlà, yèè sèè wò yìlè wuùŋ, wo nyùùŋ gbiŋ fè wuŋ ɓɛ̀nɛ̀ŋ yìle.