Nyɛ̀nɛ̀ŋ 3:13 - WƆŊ FƐ̀Ì EBÒ SÌÀŊ DAYÀA

¹³ Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Nyɛ̀nɛ̀ŋ 3:13 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 20:19

yèè àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim ɓùlà yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèe sùà.”

Maafiù 22:32

‘Miàŋ nàŋ yaà wo Dàyà Eɓulɔhɛɛ̀ɔŋ, wo Dayà Ààzeɔ̀, yèè wo Dàyà Jègɔɔ̀.’ Wuŋ nàŋ yaà wo Dàyà anyuùŋ gè nyiiŋ nyàŋ, wo fè wèè ànyuùŋ fàa nyàŋ.”

Maafiù 27:2

Àŋ naŋ sìè wo Jisɛ̀ maŋ jɔ̀ɔɔ, auŋ koà, yèè àŋ nauŋ tùlìè wo Paalè, wo kànà anyùùŋ ko Luùm nyaŋ.

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 22:57

Kɛɛ wo Pììlɛ naŋ niŋ gè maŋhɛɛ wààŋ, “Nìe wɛɛ̀, mìŋ nyimààŋ ngèè pɛɛ wò felaa wii!”

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Jɔ̀ɔŋ 12:16

Ko tɔɔtuì, anyùùŋ màŋjɛ̀wɛ̀ Jisɛ̀ nyaŋ gò wa nyìmàŋ màŋ keì mɛɛ̀ŋ. Kɛɛ e teengaà wo Jisɛ̀ naŋ wa yèwè e fàaà dìì yèè wo Dayà nauŋ jòòwò ko àìjɛnɛ̀ŋ lɛ, paŋgàà àŋ naŋ wa jàà màŋ keì mɛɛ̀ŋ jii kɛ̀, wɔŋ fɛ̀ì Dayàa naŋ woò kɛ̀ maŋ keì mɛɛ̀ŋ do wa nàŋ kaaìŋ. Màŋ naŋ kaaìŋ màànààŋ nɔŋ màŋ yaà sìnga miŋ lɛ̀ wɔŋ fɛ̀ì Dayàa sùà.

Jɔ̀ɔŋ 18:40

Kɛɛ aŋ kànà sìèfèìŋ zòòlo nyàŋ yèè e faaàŋ naŋ kpààŋ sɛiŋ nyààŋ, “Kpele, e manàuŋ! Kìɛ̀ŋ wi wo Bàlaɓà.” Wo Bàlaɓà zà naŋ wa jìwè wo nyùùŋ bà e tèèngà e gbɔ̀ɔ̀ e kànà fuɔɔ̀ŋ bà.

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 19:12

Nààŋ wo Paalè naŋ wa tɛɛ̀ kòmò, wò manaŋ wa kai wo dàngè wo Jisɛ̀ wo ka foo. Kɛɛ aŋ Juùù nyaŋ naŋ wa ngèè ɓɛìŋ kpààŋ sɛiŋ nyààŋ, “Sèè maŋ dàngè wo felaa wɛɛ̀ wo ka foo, kɛ̀ muŋ fè wò nyùùŋ mɔ̀ɔ̀nɔ̀ŋ Siisɔ̀, wò kànà fùɔ̀ŋ anyùùŋ Luùm nyaŋ! Wo nyùnɔ̀ɔŋ gbiŋ ɓemàŋ wuŋ bi wèè wo nɔ̀ŋ wo kana wɔ̀ wò yaà wo jòòuŋ koɓɛ̀ wo kànà fùɔ̀ŋ anyùùŋ Luùm nyaŋ.”

Jɔ̀ɔŋ 19:15

Yèè anyùùŋ nyaŋ naŋ kpààŋ sɛiŋ nyààŋ, “Jiwàuŋ! Jiwàuŋ! Kpùùnyaàuŋ wɔŋ vànèkpaaà diɛŋ!” Yèè wo Paalè naŋ nyiŋ dawè wààŋ, “Nìŋ manaŋ ka kpùùnyàŋ wo kanaiŋ nɔɔ̀ŋ wɔŋ vànèkpaaà diɛŋ?” Yèè aŋ kànà sìèfèìŋ zòòlo nyàŋ naŋ fasaì nyààŋ, “Wo kanaà nɔŋ è kùwàìŋ wɔ nàŋ yaà wo Siisɔ̀, wo kànà anyùùŋ ko Luùm nyaŋ.”

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 3:12

Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ?

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 7:32

‘Miàŋ nàŋ yaà wo Dàyà aŋ nèwàènèweum nyàŋ, wo Dàyà Eɓulɔhɛɛ̀ɔŋ, wo Ààze, yèè wo Jègɔ.’ E jùùɛ naŋ wa nyɛ̀nɛ̀ŋ wo Mòòze wò jele kpàkpà wèè wo go nàŋ yɛ̀mɛ̀ wo Dayà.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,