Nyɛ̀nɛ̀ŋ 3:11 - WƆŊ FƐ̀Ì EBÒ SÌÀŊ DAYÀA

¹¹ Wo felaaà naŋ wa dè wo Pììlɛ yèè wo Jɔ̀ɔŋ maŋjɛ̀wɛ wò yaà nyiìŋ kààìŋ kɔɔ fɔ̀ɔ̀ yèè àŋ naŋ kɔ̀ koɓɛ̀i àŋ hewa nyààŋ ko Pìàzà Salemàiŋ lɛ̀. E keìɛ naŋ wa fòònò anyùùŋ nyaŋ gbiŋ yèè àŋ naŋ dùɔ̀ŋ aŋ kà koɓɛ̀i aŋ gbɛ̀ìŋ Pììlɛ yaà wa lɛ̀.

Nyɛ̀nɛ̀ŋ 3:11 ပူးပေါင်းရင်းမြစ်များ

Luù 22:8

Kpeiŋ wo Jisɛ̀ naŋ tùɔ̀ŋ wo Pììlɛ yaà wo Jɔ̀ɔŋ yèè wò naŋ nyiŋ woò wààŋ, “Kɔ̀aìŋ yèè niŋ e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weè wi.”

Luù 8:38

Wo fèlaaà aŋ jinàŋ naanààŋ nyaŋ naŋ wa fòlò ko sùà wɔ, naŋ pɔ̀wɔ̀ wo Jisɛ̀ wààŋ, “Tɔ̀ miŋ dèum maŋjɛ̀wɛ e ka.” Kɛɛ wo Jisɛ̀ gòuŋ wa nyimèè. Wò naŋ wòò wo felaaà wààŋ,

Jɔ̀ɔŋ 10:23

Ke ɗɔ̀ɔ̀ guùŋ wo Jisɛ̀ yaà wa kaaiŋ kaaiŋ ko jɔ̀ɔ̀lègbèè Saaŋ Zòòlò Dayài àŋ nyaaŋ ko Pìàzà Salemàiŋ lɛ.

Nyɛ̀nɛ̀ŋ 2:6

Nààŋ àŋ naŋ wa kòmò ebò gbɔ̀ɔɔ lɛɛ̀, anyùùŋ nyaŋ gbiŋ naŋ wa gbònò koɓɛ̀ guùŋ. È naŋ wa fòònò anyùùŋ nyaŋ gbiŋ, esaɓù kɛ̀ aŋ gbiŋ naŋ wa kòmò e nɛ̀ɛŋ anyuùŋ hààwe nyàŋ yaà wa woo lɛ̀ maŋ kaìŋ nyiŋ màŋ sùà guùŋ guùŋ.

Nyɛ̀nɛ̀ŋ 3:12

Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ?

Nyɛ̀nɛ̀ŋ 3:3

Nààŋ wò naŋ yɛ̀mɛ̀ wo Pììlɛ yaà wo Jɔ̀ɔŋ àŋ yaà jɔ̀à sùà ko Saaŋ Zòòlò Dayài, wò naŋ nyiŋ dawè wèè aŋ kiɛ̀uŋ e nɛɛnɛŋ.

Nyɛ̀nɛ̀ŋ 3:4

Wo Pììlɛ yèè wo Jɔ̀ɔŋ nauŋ yɛmɛ̀ sɛiŋ, yèè wo Pììlɛ nauŋ woò wààŋ, “Yɛ̀mɛ̀ wi weè!”

Nyɛ̀nɛ̀ŋ 5:12

Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.