Nyɛ̀nɛ̀ŋ 28:4 - WƆŊ FƐ̀Ì EBÒ SÌÀŊ DAYÀA

⁴ Nààŋ anyùùŋ maŋ fuɔŋ joo nyàŋ joà wa koɓɛ̀ wii nyàŋ naŋ yɛ̀mɛ̀ wo kaìɔ wò sɛɛ wo Pɔɔ̀ wɔŋ kùàŋ, àŋ naŋ wòò aŋ dàwe e fèemàŋ nyààŋ, “Wo kaì wɛɛ̀ gò kɛ̀nɛ̀ŋ wò kenàŋ wɛɛ̀ wèè foo, èiŋ ɓɛ̀nɛ̀ŋ hààwe kɛ̀ wò yaà wo nyuùŋ jìwà nyùùŋ, kɛɛ e tɔ̀ɔ̀nyaàŋ nàŋ yaà kɛ̀ wo naàŋ jòèyè wèè wo jèè wɔ̀ŋ nyiiŋ gèeɔ̀ sùà, jòòpɛɛ wo gò jèè wɔ̀ŋ juwoɔ̀ sùà.”

Nyɛ̀nɛ̀ŋ 28:4 ပူးပေါင်းရင်းမြစ်များ

Maafiù 23:35

Maŋ sɛ̀ìŋ anyùùŋ tɔ̀ɔ̀nyaàŋ nyaŋ nìŋ naŋ wa wùɔ̀ŋ ko dììnaŋ màŋ doiŋ nàŋ gɔ̀àì ɗì, e yìwìà maŋ sɛ̀ìŋ Eɓɛ̀ɛ̀ maŋ e kà koɓɛ̀ maŋ sɛ̀ìŋ Zakalayà maŋ, wo jɔ̀àfèlàà Balakìàa, wo yèɔ nìŋ naŋ wa jìwìè e fèèmàŋ ke Saaŋ Zòòlò Dayàa yèè wɔŋ gbɛ̀gbɛ̀ zòòloɔ̀ wɔ.

Maafiù 27:25

Anyùùŋ nyaŋ gbiŋ naŋ fasàì nyààŋ, “Tɔ̀ e nɔ̀ŋ e kpààŋ kɔɔ wi yàwi nààŋ jɔ̀à wi nyàŋ wèè fàauŋ nɛ̀!”

Luù 13:2

Wo Jisɛ̀ naŋ nyiŋ fasàì wààŋ, “Nìŋ naŋ gongò kɛ̀ anyùùŋ fùɔ̀ŋ Galaliì nyɛɛ̀ŋ wo Paalè naŋ yaà wa jìwè nyaŋ, àŋ yaà anyùùŋ maŋ jùumù naanààŋ e nìàŋ anyuùŋ gbànaŋ nyàŋ wɔŋ fùɔ̀ŋ Galaliìɔ sùà esàɓù e yèɛ naŋ nyiŋ kaaìŋ lɛ?

Luù 13:4

Diè zà e kèè anyùùŋ zììyà jɛ̀wɛ̀ nɔɔnɔŋ le taai nyàŋ ke sààŋ fùùɛŋ naŋ wa sɔ̀ɔ̀ diɛŋ yèè àŋ naŋ fɔ̀ nyaŋ ko Sìloùm nyaŋ? Nìŋ gongà kɛ̀ anyùùŋ nyiiŋ naŋ wa nyɛ̀nɛ̀ŋ maŋ jùumù naanààŋ e nìàŋ anyuùŋ gbànaŋ nyàŋ gbiŋ ko Jùlusɛ̀làm?

Jɔ̀ɔŋ 7:24

Ɓɔ̀ mùŋ gbaì wò nyùùŋ wèè èsàɓù è nɛ̀ɛŋ wò naŋ nyɛ̀nɛ̀ŋ è naŋ tèènè è bàa lɛ̀, kɛɛ gbàì wò nyùùŋ wèè e yèɛ wò naŋ nyɛ̀nɛ̀ŋ è yaà tɔ̀ɔ̀nyaàŋ lɛ.”

Nyɛ̀nɛ̀ŋ 28:2

Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Nyɛ̀nɛ̀ŋ 28:3

Nààŋ wo Pɔɔ̀ naŋ wa sɛ̀nɛ̀ŋ e hmɔɔ̀ŋ kùù wòa yèè wò naŋ niŋ gbìɛ̀ŋ ko hmɔ̀ɛ̀iŋ, e zùzùɛ naŋ nyɛ̀nɛ̀ŋ wo kaì wo fòlà ke hmɔɔ̀ŋ kùlɛ̀ɛ bà sùà, yèè wò naŋ kɛ̀nɛ̀ŋ wo Pɔɔ̀ wɔŋ kùàŋ.

Nyɛ̀nɛ̀ŋ 28:5

Wo Pɔɔ̀ naŋ wa mɛ̀ɛ̀mɛ̀ɛ̀ŋ wɔŋ kuàuŋ nɔɔ̀ŋ, yèè wo kaìɔ naŋ sɛ̀ɛ̀ ko hmɔ̀ɔ̀ɛ̀iŋ. Wo kaìɔ gò wa nɛ̀ɛ̀mùŋ wò Pɔɔ̀.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”