Nyɛ̀nɛ̀ŋ 28:30 - WƆŊ FƐ̀Ì EBÒ SÌÀŊ DAYÀA

³⁰ Wèè maŋ dòà tìyèe wo Pɔɔ̀ naŋ wa nɔ̀ŋ wɔŋ kùàŋ wuŋ bi, yèè wò naŋ ɓèmè ke saaŋ ke yèɛ wò hewa paawà weè nyiŋ wuŋ bi. Yèè wò hewa jàà wo nyùnɔ̀ɔŋ gbiŋ hnàŋ wa ko nɛ̀ɛ̀uŋ niìŋ wɔ kùàŋ dìì.

Nyɛ̀nɛ̀ŋ 28:30 ပူးပေါင်းရင်းမြစ်များ

Jɔ̀ɔŋ 1:39

Wo Jisɛ̀ naŋ nyiŋ fasàì wààŋ, “Hnaìŋ niŋ yɛmɛ̀ kɛ̀ kòò mìŋ joà!” Aŋ nauŋ dè maŋjɛ̀wɛ yèè àŋ naŋ kɔ̀ aŋ yɛ̀mɛ̀ koɓɛ̀i wò joà lɛ. Kɛɛ nààŋ e gɔɛɛ̀ yaà wa naàŋ jùàsùà fùùŋ, àŋ naŋ jàwè wo Jisɛ̀ le gòlò ke ɗɔɔ yii.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 24:27

Maŋ dòà tìyèe naŋ mààŋ, yèè wo Pɔsiɔ̀ Fɛtɔ̀ naŋ nɔ̀ŋ wo kana ebɛ̀ŋ wo Filɛ̀. Wo Kanaà Filɛ̀ manaŋ wa wo fɔ̀ɔ̀yɛ̀ aŋ Juùù nyaŋ maŋ jii, weètii wò naŋ nyiŋ wa kìɛ̀ŋ wo Pɔɔ̀ yèè wò nauŋ jòò ko sààŋ nyìwìi.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Nyɛ̀nɛ̀ŋ 28:29

Nààŋ wo Pɔɔ̀ naŋ tɛɛ̀ kpɛ̀ɛ̀yɛ̀ wòo, aŋ Juùù nyaŋ naŋ kɔ̀, àŋ yaà kpàànè kpàànè fèemàŋ e wùàŋ sùà.]

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Luùm 15:32

Mìŋ dawà Dayà wèè wo gèim nyààŋ diɛŋ wèè ka hnàŋ ko nɛ̀ɛ̀iŋ niìŋ, yèè miŋ nɔ̀ŋ ke jìì fà zɔlɔ̀ gbee sùà e tɛɛiŋ.

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 6:5

Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

2Time 1:17

E teengaà wò naŋ wa hàì ko Luùm lɛ, wò naìm wa tɔ̀ɔ̀tù kàme e jèèsùà woim yɛmɛ̀.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.