Nyɛ̀nɛ̀ŋ 28:2 - WƆŊ FƐ̀Ì EBÒ SÌÀŊ DAYÀA

² Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Nyɛ̀nɛ̀ŋ 28:2 ပူးပေါင်းရင်းမြစ်များ

Maafiù 10:42

Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”

Jɔ̀ɔŋ 18:18

Ke fòìɛ naŋ wa gàŋ, yèè aŋ ɓɔìjɔ̀à nyaŋ yaà anyùùŋ nyaŋ tunìàŋ ke sààŋ zòòlò Dayàa nyàŋ naŋ dììyè e hmɔ̀ɔ̀ŋ. Àŋ naŋ niŋ jɛ̀ì e kɔɔ àŋ yaà kùmìè hmɔ̀ɔ̀ɛŋ, yèè wo Pììlɛ wuŋ pɛɛ naŋ kɔ̀ wo sìè ko hmɔ̀ɔ̀ŋ kɔɔì wèè wo kòmàŋ e hmɔ̀ɔ̀ŋ.

Nyɛ̀nɛ̀ŋ 27:3

Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Nyɛ̀nɛ̀ŋ 28:3

Nààŋ wo Pɔɔ̀ naŋ wa sɛ̀nɛ̀ŋ e hmɔɔ̀ŋ kùù wòa yèè wò naŋ niŋ gbìɛ̀ŋ ko hmɔ̀ɛ̀iŋ, e zùzùɛ naŋ nyɛ̀nɛ̀ŋ wo kaì wo fòlà ke hmɔɔ̀ŋ kùlɛ̀ɛ bà sùà, yèè wò naŋ kɛ̀nɛ̀ŋ wo Pɔɔ̀ wɔŋ kùàŋ.

Nyɛ̀nɛ̀ŋ 28:4

Nààŋ anyùùŋ maŋ fuɔŋ joo nyàŋ joà wa koɓɛ̀ wii nyàŋ naŋ yɛ̀mɛ̀ wo kaìɔ wò sɛɛ wo Pɔɔ̀ wɔŋ kùàŋ, àŋ naŋ wòò aŋ dàwe e fèemàŋ nyààŋ, “Wo kaì wɛɛ̀ gò kɛ̀nɛ̀ŋ wò kenàŋ wɛɛ̀ wèè foo, èiŋ ɓɛ̀nɛ̀ŋ hààwe kɛ̀ wò yaà wo nyuùŋ jìwà nyùùŋ, kɛɛ e tɔ̀ɔ̀nyaàŋ nàŋ yaà kɛ̀ wo naàŋ jòèyè wèè wo jèè wɔ̀ŋ nyiiŋ gèeɔ̀ sùà, jòòpɛɛ wo gò jèè wɔ̀ŋ juwoɔ̀ sùà.”

Luùm 1:14

È yaà e kpàŋ è kɔɔim, koɓɛ̀ anyùùŋ nyaŋ gbiŋ, e kpùlìà anyùùŋ nyaŋ fè àŋ Juùù nyaŋ, anyùùŋ maŋ fuɔŋ joo, anyuùŋ nyìmàŋ keì fèemàŋ nyaŋ yaà anyuùŋ gò nyìmàŋ keì fèemàŋ nyaŋ, anyùùŋ nyaŋ naŋ nyìmè nɛ̀ŋ nyaŋ, yaà anyuùŋ gò nyìmàŋ nɛ̀ŋ nyaŋ.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 2:27

Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

1 Kɔliìŋ 14:11

Wɔŋ kànɔ̀ɔŋ miŋ kuwà è gààŋ wèè ka gbòà wɔŋ, anyùùŋ nyaŋ gbòò wuùŋ nyaŋ, àŋ yaà anyùùŋ maŋ fuɔŋ joo ko nɛ̀ɛ̀ŋ miìŋ yèè mìŋ yaà wo nyùùŋ fuɔŋ joo ko nɛ̀ɛ̀ŋ nyiŋ niìŋ.

2 Kɔliìŋ 11:27

Mìŋ naŋ tomo yèè mìŋ naŋ fɛ̀ɛ̀, mìŋ naŋ kpèèwù maŋ jàwè. E jìè naim nyɛ̀nɛ̀ŋ yaà ke jòòmàì, e teenga zimgbe mìŋ kuwo ke tɔùŋ, è nɛ̀ŋje teenga fè, ko hàwe fè ɔ̀ɔ̀ maŋ dèè maŋ fè.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Hiɓu 13:2

Jàaìŋ aŋ nyùnèènyɛiŋ kùàŋ dìì maŋ gbooiŋ màŋ sùà. Anyùùŋ bà naŋ wa tɛɛ̀ nyɛ̀nɛ̀ŋ, yèè àŋ naŋ jàà aŋ màikà kùàŋ dìì, kɛɛ aŋ nyìmààŋ wa kɛ̀ àŋ màikà nyaŋ.