Nyɛ̀nɛ̀ŋ 28:17 - WƆŊ FƐ̀Ì EBÒ SÌÀŊ DAYÀA

¹⁷ Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 28:17 ပူးပေါင်းရင်းမြစ်များ

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 23:33

Nààŋ àŋ naŋ hàì ko Sesèlià, àŋ naŋ kìɛ̀ŋ wɔŋ fɛiɔ̀ koɓɛ̀ wo Kanaà Filɛ̀ yèè àŋ naŋ kìlè wo Pɔɔ̀ ko nɛ̀ɛ̀uŋ niìŋ.

Nyɛ̀nɛ̀ŋ 25:10

Wo Pɔɔ̀ naŋ fasàì wààŋ, “Mìŋ yaà kɔ̀ɔ̀yɛ̀ e gbài dìì ko sààŋ sàwà kanaà Siisɔ̀, wo Kànà anyùùŋ fùɔ̀ŋ Luùm nyaŋ, yèè kuŋ è naŋ tɛɛwɛ̀ wèè aim gbaì. Màŋ nyìmàŋ fo kɛ̀ kòò mìŋ nyɛ̀nɛ̀ŋ è keì naanààŋ gbiŋ è yèɛ do nàŋ dàà kè kpùùnɛɛ̀ kòɓɛ̀ wɔ̀ŋ fùɔ̀ŋ àŋ Juùù nyaŋ.

Nyɛ̀nɛ̀ŋ 25:2

Kuŋ aŋ kànà sìèfèìŋ zòòlo nyàŋ yèè aŋ ɓɛ̀màŋɗì aŋ Juùù nyaŋ bà naŋ tɔ̀ɔ̀ e zàwè ko nɛ̀ɛ̀uŋ niìŋ e nyaàiŋ dè e keìɛ àŋ naŋ gbùwò wo Pɔɔ̀ ɗì lɛ. Àŋ naŋ ɓɛìŋ dàwè wo Fɛtɔ̀ nyààŋ,

Nyɛ̀nɛ̀ŋ 25:8

Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 6:14

È naiŋ kòmò wò naŋ woò wààŋ, wo Jisɛ̀ wɛɛ̀ e yìwìà ko Naazɔ̀ɛ̀ do naŋ gɔ̀ɛ̀ ke sààŋ zòòlò aŋ Juùù nyaŋ yèè e kìlà wo vɔ̀ɔ̀nɔ̀ŋ maŋ langi maŋ gbiŋ wo Mòòze naŋ wi kiɛ̀ŋ maŋ!”