Nyɛ̀nɛ̀ŋ 28:14 - WƆŊ FƐ̀Ì EBÒ SÌÀŊ DAYÀA

¹⁴ Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

Nyɛ̀nɛ̀ŋ 28:14 ပူးပေါင်းရင်းမြစ်များ

Maafiù 10:11

“Sèè nìŋ kɔ̀à ko jawa ɔ̀ɔ̀ ko vàa gbiŋ, kɔ̀àiŋ niŋ kamè wo nyùnɔ̀ɔŋ do nàŋ nyimèè wèè woiŋ jàà kùàŋ dìì wɔ, yèè nɔ̀ìŋ ko nɛ̀ɛ̀uŋ niìŋ e jeeè sùà niŋ yèwà ko jawa bi.

Jɔ̀ɔŋ 21:23

Yèè ebò naŋ ɓààyè anyùùŋ màŋjɛ̀wɛ̀ Jisɛ̀ nyaŋ e fèemàŋ kɛ̀ wo nyùùŋ màŋjɛ̀wɛ̀ wɛɛ̀ wo naàŋ wa nàwèè fɔ̀. Kɛɛ wo Jisɛ̀ gò wa woò wààŋ wo naàŋ fɔ̀. Wò naŋ wa nɔŋ woò wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ?”

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 20:6

Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 28:13

E yìwìà kuii è naiŋ kɔ̀ ko Liigiùm. Wɔŋ niìsìaà bàa wɔŋ fòì naŋ yèwè dìì e yìwìà wɔŋ fùɔ̀ŋ kɔ̀ɔ̀. Ke ɗɔɔ dìà tìyèeɛ̀ diɛŋ è naiŋ hàì ko jawaì àŋ nyaaŋ ko Putiolì.

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Nyɛ̀nɛ̀ŋ 28:21

Yèè àŋ naŋ wòò wo Pɔɔ̀ nyààŋ, “Kòò è yɛ̀mɛ̀ìŋ wɔ̀ŋ fɛi gbiŋ e yìwìà ko Jùdià è nyaàìŋ eum dè, yèè aŋ wùìya wi nyàŋ kinɛiŋ yaà kià hinie nyàŋ bà gbiŋ kòò wò wòò wì è kiium, ɔ̀ɔ̀ wo wòò è keì naanààŋ weèum.

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

Nyɛ̀nɛ̀ŋ 9:30

Yèè nààŋ anyuùŋ hààwe nyàŋ naŋ tɛɛ̀ kòmò, aŋ naŋ kɔ̀ɔ̀ wo Sɔɔ̀ ko Sesèlià, yèè àŋ nauŋ tùɔ̀ŋ ko Tasɔ̀.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.