Nyɛ̀nɛ̀ŋ 28:11 - WƆŊ FƐ̀Ì EBÒ SÌÀŊ DAYÀA

¹¹ È naiŋ wa nyɛ̀nɛ̀ŋ maŋ wàà taai ko Maatà. Kpeiŋ è naiŋ sɛ̀ɛ̀ wɔŋ meeè bà sùà àŋ nyaaŋ wa nyààŋ, “Aŋ Sèwì Dayà” e yìwìà ko Àlèzandilà wɔŋ fùɔ̀ŋ Ijèɔ sùà. Wɔŋ meeè wɛɛ̀ŋ naŋ wa jɛ̀ì ko Maatà wèè wɔŋ fòlà e sɛ̀ɛ̀ɛ e mààŋ.

Nyɛ̀nɛ̀ŋ 28:11 ပူးပေါင်းရင်းမြစ်များ

Nyɛ̀nɛ̀ŋ 13:6

Wo Bànaŋɓà yèè wo Sɔɔ̀ naŋ wa kìlìè ke tiìŋ yii gbiŋ sùà e hàì ko jawa gbeeì ko Pafɔ̀. Àŋ nao mɛ̀ɛ̀ŋ wo Juùù nyuuŋ nyɛ̀nɛ̀ŋ kɔìɗòlò bà, wo wɛ̀ijì tòa àŋ nyaaŋ wo Ɓà-Jisɛ̀ wɔ.

Nyɛ̀nɛ̀ŋ 27:6

Kuŋ wo nyùùŋ gbèè aŋ kààlòòɗùà nyaŋ naŋ wa mɛ̀ɛ̀ŋ wɔŋ meeè wɔ̀ŋ yewe ko Àlèzandilà wɔ̀ŋ yaà kɔ̀ɔ̀yɛ̀ ko Etelè. Yèè wò naŋ wi nyɛ̀nɛ̀ŋ eiŋ sɛ̀ɛ̀ wɔŋ meeè bi sùà.

Nyɛ̀nɛ̀ŋ 28:10

Anyùùŋ nyaŋ naŋ wi wa kìɛ̀ŋ e ɓɛ̀ɛ̀jàa gbee. Yèè nààŋ è naiŋ wa banebànè wèè eiŋ sɛ̀ɛ̀ wɔŋ meeèɔ sùà wèè eiŋ naàŋ ka, àŋ naŋ wi wa kìɛ̀ŋ manɛ̀ŋ zimgbe wɔŋ meeèɔ sùà maŋ yè maŋ naŋ wi wa ɓɛ̀nɛ̀ŋ kpùùmaŋ lɛ̀ ke dòmàŋ kàaiŋ wiɛ̀ diɛŋ.

Nyɛ̀nɛ̀ŋ 28:12

È naiŋ wa kɔ̀ eiŋ hàì ko Silakɔɔ̀ yèè è naiŋ noo nɔ̀ŋ wèè maŋ ɗɔ̀ɔ̀ taai.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.