Nyɛ̀nɛ̀ŋ 27:43 - WƆŊ FƐ̀Ì EBÒ SÌÀŊ DAYÀA

⁴³ Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.

Nyɛ̀nɛ̀ŋ 27:43 ပူးပေါင်းရင်းမြစ်များ

Nyɛ̀nɛ̀ŋ 23:10

Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 23:24

Bànèbanè aŋ sòo wèè aŋ koà wo Pɔɔ̀, e kìlà nyɛnɛ̀ŋ esaɓù wo haì koɓɛ̀ wo Kanaà Filɛ̀ bòìbòì.”

Nyɛ̀nɛ̀ŋ 27:11

Kɛɛ wo Juliɔ̀, wo kànà aŋ kààlòòɗùà nyaŋ naŋ wa nyimèè wèè e yèɛ wo nyuùŋ dùùnyàŋ wɔŋ meeèɔ yèè wo kɛ̀ɛ̀nɛŋ wuŋ nɔɔ̀ŋ naŋ wa woò lɛ, kɛɛ e fè wa è yèɛ wò Pɔɔ̀ naŋ wa woò lɛ.

Nyɛ̀nɛ̀ŋ 27:3

Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Nyɛ̀nɛ̀ŋ 27:31

Wo Pɔɔ̀ naŋ wòò wo Juliɔ̀, wo kànà aŋ kààlòòɗùà nyaŋ yèè aŋ kààlòòɗùà nyaŋ wààŋ, “Sɔɔ̀ anyuùŋ dùùnyàŋ meeèɔ aŋ jèè wɔ̀ŋ meeèɔ sùà, sèè è go yɛi nɔ̀ŋ, kɛ̀ maŋ nyiiŋ màŋ fè jòèye miŋ.”

Nyɛ̀nɛ̀ŋ 27:42

Aŋ kààlòòɗùà nyaŋ naŋ wa ɗewè wèè aŋ jìwà aŋ pèesìnàŋ nyaŋ gbiŋ wèè aŋ go wa nàŋ sɛɛ̀ aŋ nìàŋ kpeiŋ aŋ dùàŋ aŋ ka.

2 Kɔliìŋ 11:25

Anyùùŋ fùɔ̀ŋ Luùm nyaŋ naim vuwò e sùà taai gbìnìì gbìnìì kaiŋ yèè àŋ naim hɔ̀wɔ̀ e sùà guùŋ. Kà nɔ̀ŋ maŋ meeè sùà màŋ pɔɔpɔ̀ɔ̀ e sùà taai, yèè kà nɔ̀ŋ e wùìyè sùà wèè e haawà kpɛ̀ɛ̀ùŋ jɛ̀wɛ̀ tiinàŋ sùà guùŋ.