Nyɛ̀nɛ̀ŋ 27:41 - WƆŊ FƐ̀Ì EBÒ SÌÀŊ DAYÀA

⁴¹ Kɛɛ e ɗì wɔŋ meeèɔ naŋ kɔ̀ wɔŋ jùà ke hei gbìli wɔŋ juwoɔ̀ dìì yèè wɔ̀ŋ nao jɛi wɔɔŋ kùwà kpaŋ, e kìlà e gààaŋ wɔŋ juwoɔ̀ naŋ hiɛ̀ŋ lɛ naŋ jùò wɔŋ meeèɔ jɛ̀wɛ̀ wɔɔŋ pɔɔpɔ̀ɔ̀.

Nyɛ̀nɛ̀ŋ 27:41 ပူးပေါင်းရင်းမြစ်များ

Nyɛ̀nɛ̀ŋ 27:17

Kɛɛ aŋ felaa nyàŋ naŋ wuŋ wa gɔ̀ɛ̀ɛ̀ aŋ wuŋ gbìàŋ wɔŋ meeèɔ sùà. Yèè àŋ naŋ kpènè kpènè wɔ meeèɔ maŋ jèì maŋ yaà wuùŋ wa sùà maŋ, wèè wɔŋ dùfòìɔ go wuŋ nàŋ pɔɔpɔ̀ɔ̀. Weètii àŋ naŋ wa dèèyè maŋ deè gbeegbèè maŋ wɔŋ fòìɔ jaà sùà wɔ̀ŋ koà wɔŋ meeèɔ lɛ̀ wèè wɔŋ kuunò kàa. E jùùɛ yaà nyiìŋ wa esaɓù kɛ̀ àŋ naŋ wa gongò kɛ̀ wɔŋ meeèɔ do wa nàŋ kɔ̀ wɔŋ jɛ̀ì e hei tumtuùm diɛŋ è wùìyèɛ dìì e gbɛ̀ɛ̀ wɔŋ fùɔ̀ŋ Leɓìàa e tèèngà koɓɛ̀i àŋ nyaaŋ Satè lɛ.

Nyɛ̀nɛ̀ŋ 27:30

Anyuùŋ dùùnyàŋ gɔɔ̀ naŋ kàmè ɗewè wèè aŋ dùàŋ aŋ fòlà wɔŋ meeèɔ sùà. Kpeiŋ àŋ naŋ dèèyè wɔŋ gɔ jɔaà e wùìyèɛ diɛŋ, àŋ yaà nyinie mààŋ àŋ yaà dèèyè sùà wɔŋ hààŋgà e wùìyèɛ sùà wɔŋ meeèɔ feìŋ.

Nyɛ̀nɛ̀ŋ 27:40

Àŋ naŋ kɛ̀ɛ̀ maŋ jèì maŋ hààŋgà maŋ àŋ naŋ dìkìè wɔŋ meeèɔ lɛ yèè àŋ naŋ miŋ gbìɛ̀ŋ e wùìyèɛ sùà. Yèè e tèèngà guùŋ bì àŋ naŋ fìlè maŋ jèì maŋ àŋ naŋ dìkìè maŋ gbiì maŋ lɛ. Kpeiŋ àŋ naŋ jòòwò wɔŋ deè gbeeɔ̀ wɔŋ meeèɔ feìŋ, wɔŋ yèɔ nyɛnɛŋ wɔŋ fòìɔ dùlò wɔŋ meeèɔ lɛ̀, yèè àŋ naŋ dàngè wɔŋ fòìɔ naŋ kɔ̀ɔ̀ wɔŋ meeèɔ e tèèngà e heɛɛ̀ diɛŋ.

Nyɛ̀nɛ̀ŋ 27:42

Aŋ kààlòòɗùà nyaŋ naŋ wa ɗewè wèè aŋ jìwà aŋ pèesìnàŋ nyaŋ gbiŋ wèè aŋ go wa nàŋ sɛɛ̀ aŋ nìàŋ kpeiŋ aŋ dùàŋ aŋ ka.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.