Nyɛ̀nɛ̀ŋ 27:30 - WƆŊ FƐ̀Ì EBÒ SÌÀŊ DAYÀA

³⁰ Anyuùŋ dùùnyàŋ gɔɔ̀ naŋ kàmè ɗewè wèè aŋ dùàŋ aŋ fòlà wɔŋ meeèɔ sùà. Kpeiŋ àŋ naŋ dèèyè wɔŋ gɔ jɔaà e wùìyèɛ diɛŋ, àŋ yaà nyinie mààŋ àŋ yaà dèèyè sùà wɔŋ hààŋgà e wùìyèɛ sùà wɔŋ meeèɔ feìŋ.

Nyɛ̀nɛ̀ŋ 27:30 ပူးပေါင်းရင်းမြစ်များ

Nyɛ̀nɛ̀ŋ 27:16

È naiŋ wa kɔ̀ɛ̀ wɔŋ fàà ke tiìŋ jɔ̀àa àŋ nyaaŋ Kaodà, wɔŋ fààa wɔŋ fòìɔ fè wa dè sùà zimgbe lɛ̀. È naiŋ wa kùwò e keì nyìnga paŋgàà è naiŋ wa ɓɛnɛ̀ŋ wèè eiŋ gè wɔŋ gɔ jɔaà yaà wa e wùìyèɛ diɛŋ wɔ̀ŋ meeèɔ jɛ̀wɛ̀ lɛ, esàɓù e gàaàŋ wɔŋ dùfòìɔ kuwa wa lɛ̀.

Nyɛ̀nɛ̀ŋ 27:27

Wèè maŋ ɗɔ̀ɔ̀ yèè dùùm zììyà jɛ̀wɛ̀ tiinàŋ wɔŋ dùfòìɔ naŋ wi dulò wɔŋ wi kìlìà wɔŋ Jùwò Mɛ̀dètàlelìàaŋ diɛŋ. Kɛɛ wɔŋ duùm hàì tɛɛɔ̀ anyuùŋ dùùnyàŋ meeèɔ naŋ jàà jii kɛ̀ àŋ yaà wa gbɛ̀ɛ̀ sùà e tiwi feìŋ.

Nyɛ̀nɛ̀ŋ 27:29

E jùùɛ naŋ wa nyɛ̀nɛ̀ŋ anyuùŋ dùùnyàŋ meeèɔ e kìlà aŋ yaà goongo kɛ̀ wɔŋ meeèɔ ɓɛ̀nɛ̀ŋ kàa wɔŋ jùà maŋ dùò. Kpeiŋ àŋ naŋ gbìɛ̀ŋ maŋ hààŋgà tiinàŋ wɔŋ meeèɔ jɛ̀wɛ̀ wèè e kpuumàŋ e jàà wuŋ koɓɛ̀ guùŋ. Yèè àŋ naŋ zoolò wèè wɔŋ niìsìaà.

Nyɛ̀nɛ̀ŋ 27:31

Wo Pɔɔ̀ naŋ wòò wo Juliɔ̀, wo kànà aŋ kààlòòɗùà nyaŋ yèè aŋ kààlòòɗùà nyaŋ wààŋ, “Sɔɔ̀ anyuùŋ dùùnyàŋ meeèɔ aŋ jèè wɔ̀ŋ meeèɔ sùà, sèè è go yɛi nɔ̀ŋ, kɛ̀ maŋ nyiiŋ màŋ fè jòèye miŋ.”

Nyɛ̀nɛ̀ŋ 27:32

Kpeiŋ aŋ kààlòòɗùà nyaŋ naŋ kɛ̀ɛ̀ e jèìɛ kuwa wɔŋ gɔ jɔaà lɛ yèè àŋ naŋ wuŋ dangè wɔ̀ŋ naŋ sɛ̀ɛ̀ wɔŋ juwoɔ̀ sùà wɔ̀ŋ naŋ kɔ̀.