Nyɛ̀nɛ̀ŋ 27:3 - WƆŊ FƐ̀Ì EBÒ SÌÀŊ DAYÀA

³ Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Nyɛ̀nɛ̀ŋ 27:3 ပူးပေါင်းရင်းမြစ်များ

Maafiù 11:21

“Nyɛ̀iŋ nààŋ nyùùŋ nyaŋ ko jawa gbeeì Kɔlesììŋ, e keì nyìnga yaà weèiŋ! Nyɛ̀iŋ nààŋ nyùùŋ nyaŋ ko jawa gbeeì Bɛ̀sailià, e keì nyìnga yaà wèè nyɛ̀iŋ pɛɛ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Taà yèè ko Sidɔ̀ùŋ, anyùùŋ nyaŋ kuii hewa nàŋ jɛi e teenga gɔu sùà aŋ gɔ̀àì maŋ deè bilabìlà e kìlà aŋ kpàlèè e duum maŋ ɗì wèè aŋ tɔɔ̀ kɛ̀ àŋ fè maŋ jùumù nyiŋ màŋ jɛwɛ.

Nyɛ̀nɛ̀ŋ 12:20

Wo Kanaà Hɛɛlɔ̀ naŋ wa tùù anyùùŋ Taà nyaŋ yèè anyùùŋ Sidɔ̀ɔ̀ŋ nyaŋ sìwè, kpeiŋ anyùùŋ nyaŋ ko Taà yèè ko Sidɔ̀ɔ̀ŋ naŋ jàà ke gbòò yèè àŋ naŋ kɔ̀ koɓɛ̀ wo nyuùŋ gbeeɔ̀ sia wa ke sààŋ gbèè Hɛɛlɔ̀ɛ feìŋ wɔ àŋ nyaaŋ Balisɔ̀ wèè aŋ pɔwɔ̀uŋ wo kpuumàŋ nyiŋ. Yèè àŋ naŋ kɔ̀ wèè aŋ dawè wo Hɛɛlɔ̀ wèè aŋ banè e fèemàŋ nyiŋ nɛ̀ ke jii fàa sùà, esaɓù kɛ̀ anyùùŋ nyaŋ ko Taà yèè ko Sidɔ̀ɔ̀ŋ hewa gè enɛ̀nje nyiŋ nɛ̀ wɔŋ fùɔ̀ŋ kanaà Hɛɛlɔ̀ sùà.

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:43

Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.