Nyɛ̀nɛ̀ŋ 27:2 - WƆŊ FƐ̀Ì EBÒ SÌÀŊ DAYÀA

² È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.

Nyɛ̀nɛ̀ŋ 27:2 ပူးပေါင်းရင်းမြစ်များ

Luù 8:22

Ke ɗɔ̀ɔ̀ guùŋ wo Jisɛ̀ naŋ wa sɛ̀ɛ̀ wɔŋ gɔ sùà yaà anyùùŋ màŋjɛ̀wɛ̀uŋ nyàŋ, yèè wò naŋ nyiŋ woò wààŋ, “Kàwiìŋ wɔŋ fàa bàa wɔŋ juwoɔ̀ nìngè.” Kpeiŋ àŋ naŋ tɔ̀ɔ̀tù kàa.

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 19:19

Anyùùŋ nyaŋ bà nyiŋ yaà wa nyìnìè maŋ keì naanààŋ e sɛɛ̀ŋ sùà nyaŋ naŋ hìɛ̀ŋ maŋ fɛi nyiŋ màŋ yèè àŋ naŋ miŋ sùɔ̀ŋ anyùùŋ nyaŋ gbiŋ fɛɛ̀feìŋ. E ɓàà maŋ fɛi mɛɛ̀ŋ wa ɓɛ̀nɛ̀ŋ nɔ̀ŋ sɔ̀ngɔ̀ e pàtaà taasùùŋ kpɛ̀ɛ̀ùŋ tìyèe jɛ̀wɛ̀ zììyà (50,000) e nɛɛnɛŋ fua sùà.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 28:10

Anyùùŋ nyaŋ naŋ wi wa kìɛ̀ŋ e ɓɛ̀ɛ̀jàa gbee. Yèè nààŋ è naiŋ wa banebànè wèè eiŋ sɛ̀ɛ̀ wɔŋ meeèɔ sùà wèè eiŋ naàŋ ka, àŋ naŋ wi wa kìɛ̀ŋ manɛ̀ŋ zimgbe wɔŋ meeèɔ sùà maŋ yè maŋ naŋ wi wa ɓɛ̀nɛ̀ŋ kpùùmaŋ lɛ̀ ke dòmàŋ kàaiŋ wiɛ̀ diɛŋ.

Nyɛ̀nɛ̀ŋ 28:12

È naiŋ wa kɔ̀ eiŋ hàì ko Silakɔɔ̀ yèè è naiŋ noo nɔ̀ŋ wèè maŋ ɗɔ̀ɔ̀ taai.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Nyɛ̀nɛ̀ŋ 28:2

Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.