Nyɛ̀nɛ̀ŋ 27:11 - WƆŊ FƐ̀Ì EBÒ SÌÀŊ DAYÀA

¹¹ Kɛɛ wo Juliɔ̀, wo kànà aŋ kààlòòɗùà nyaŋ naŋ wa nyimèè wèè e yèɛ wo nyuùŋ dùùnyàŋ wɔŋ meeèɔ yèè wo kɛ̀ɛ̀nɛŋ wuŋ nɔɔ̀ŋ naŋ wa woò lɛ, kɛɛ e fè wa è yèɛ wò Pɔɔ̀ naŋ wa woò lɛ.

Nyɛ̀nɛ̀ŋ 27:11 ပူးပေါင်းရင်းမြစ်များ

Nyɛ̀nɛ̀ŋ 27:21

Maŋ ɗɔɔ bà naŋ mààŋ e yèɛ anyùùŋ nyɛɛ̀ŋ bà gbiŋ gò ɓɛ̀nɛ̀ŋ è nɛ̀ŋje jèe, yèè wo Pɔɔ̀ naŋ sie yèè wò naŋ wòò aŋ felaa nyàŋ wààŋ, “Sèè naim dài weè kumiàŋ yèè eiŋ dài jèè ke tiɛ̀ɛŋ sùà ko Kiliì, nìŋ he weè naŋ yɛ̀mɛ̀ manɛ̀ŋ mɛɛ̀ŋ diɛŋ yèè maŋ naàŋ weè pɔɔpɔ̀ɔ̀.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Jìiiŋ 3:4

Yɛ̀mɛìŋ maŋ meeè maŋ miiŋ pɛɛ, jòòpɛɛ màŋ naŋ dɛɛdɛ̀ɛ̀ yèè wɔŋ dùfòì gààŋ nàŋ kɔà miìŋ, kɛɛ e nɛ̀ɛŋ kpàà miìŋ e dì lɛ, è yaà nɔŋ e gbiì jɔ̀à wèè maŋ kà koɓɛ̀i gbiŋ wo nyuùŋ dùùnyaŋ miŋ nɔɔ̀ŋ manaŋ wèè maŋ ka lɛ̀.

Maŋ kèì nyɛɛnɛŋ 18:17

Yɛi nɔŋ è yaà e teenga kpuu sùà e bàneuŋ nɛ̀ gbiŋ è ka!” Anyuùŋ dùùnyàŋ maŋ meeè maŋ yèè aŋ pasenjà nyaŋ, yèè anyùùŋ nyaŋ toomàŋ wɔŋ meeèɔ sùà nyaŋ naŋ sìè koɓɛ̀ dii, e kpùlìà anyùùŋ nyɛ̀nɛ̀ŋ bòli nyàŋ e wùìyèɛ diɛŋ.