Nyɛ̀nɛ̀ŋ 27:1 - WƆŊ FƐ̀Ì EBÒ SÌÀŊ DAYÀA

¹ Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:1 ပူးပေါင်းရင်းမြစ်များ

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Luù 23:47

Wo kànà aŋ kààlòòɗùà nyaŋ naŋ yɛ̀mɛ̀ e keìɛ naŋ kaaìŋ lɛ, yèè wò naŋ tɛ̀nɛ̀ŋ wo Dayà. Wò naŋ woò wààŋ, “E tɔɔɓaa le, wo felaa wɛɛ̀ yaà wa wo nyùùŋ tɔ̀ɔ̀nyaàŋ!”

Luù 7:2

Wo kààlòòɗùà anyùùŋ Luùm nyaŋ bà koɓɛ̀ bi kuwa wa wo ɓɔìjɔ̀à wo yèɔ wò manaŋ wa zimgbe wɔ̀. Kɛɛ wo felaaà yaà wa siinyɛŋ ebɛ̀ŋ fàa.

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 10:22

Aŋ felaa nyàŋ naŋ fasàì yèè àŋ naŋ kìɛ̀ŋ mìè seì nyààŋ, “Wo nyùùŋ gbèè aŋ kààlòòɗùà nyaŋ, wo Kɔ̀nilìɔ̀ naŋ wi tùɔ̀ŋ. Wò yaà wo nyùùŋ tɔ̀ɔ̀nyaàŋ yèè wò duɔŋ Dayà. Anyùùŋ nyaŋ gbiŋ wɔŋ fùɔ̀ŋ aŋ Juùù nyaŋ sùà mànaùŋ yèè àŋ kuwa ɓɛ̀ɛ̀jàa weèuŋ. Wo màìkà Dayàa nauŋ woò kɛ̀ wo tùàŋ weèum muŋ ka ko gboouŋ noo wèè wo kòmàŋ e yèɛ mùŋ kuwa mauŋ woò lɛ.”

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 18:2

Kuŋ wò naŋ wa mɛ̀ɛ̀ŋ wo Juùù nyuuŋ bà àŋ nyaaŋ wo Àkuilà, wo jɔ̀à kùmìàŋ ko Pɔuŋtɔ̀. Wo Àkuilà yèè wo jawèuŋ nɔɔ̀ŋ Pɛ̀silià naŋ nɔŋ hnè mùnèè tɛɛ nɛɛ̀ŋ e yìwìà ko Etelè, esaɓù kɛ̀ wo Kànà fuɔɔ̀ŋ wèè ko Luùm wo Kulɔdiɔ̀ naŋ woò wààŋ aŋ Juùù nyuuŋ nyàŋ gbiŋ aŋ yèwà ko Luùm. Wo Pɔɔ̀ naŋ wa kɔ̀ ko jààmè wo Àkuilà yèè wo Pɛ̀silià.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 21:32

Ko fɛɛ̀feìŋ wò naŋ ɓèmè aŋ kààlòòɗùà nyaŋ yaà aŋ sìèfeìŋ nyaŋ bà yèè àŋ nao kɔ̀ maŋ dùaŋ dùaŋ. Nààŋ anyùùŋ nyaŋ naŋ yɛ̀mɛ̀ wo kànà aŋ kààlòòɗùàa yaà aŋ kààlòòɗùàuŋ nyàŋ, àŋ naŋ hɔ̀ànè wo Pɔɔ̀ ɓùla.

Nyɛ̀nɛ̀ŋ 22:26

Nààŋ wo nyùùŋ gbèè aŋ kààlòòɗùà wɛɛ̀ naŋ tɛɛ̀ kòmò, wò naŋ kɔ̀ koɓɛ̀ wo kànà aŋ kààlòòɗùà nyaŋ yèè wò nauŋ woò wààŋ, “Wo felaa wɛɛ̀ yaà wo Luùm nyuuŋ. Kiìŋ mùŋ do nàŋ nyɛ̀nɛ̀ŋ?”

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 23:17

Wo Pɔɔ̀ naŋ nyààŋ wo nyùùŋ gbèè aŋ kààlòòɗùà nyaŋ bà guùŋ yèè wò nauŋ woò wààŋ, “Kòaà wo fooninge wɛɛ̀ koɓɛ̀ wo kànà aŋ kààlòòɗùà nyaŋ. Wò kuwa e keì bà wèè wouŋ gbàì jii.”

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

Nyɛ̀nɛ̀ŋ 25:12

Kpeiŋ wo Fɛtɔ̀ naŋ kùwìè e ɗì de koɓɛ̀ anyùùŋ nyaŋ kiɛ̀uŋ e go nyàŋ, yèè wò naŋ wòò wo Pɔɔ̀ wààŋ, “Mùŋ naŋ dawè wèè maŋ kà koɓɛ̀ wo kanaà Siisɔ̀, wo Kànà anyùùŋ fùɔ̀ŋ Luùm nyaŋ wèè wo gbaì e keì mɔ̀ɛ̀, weètii kuŋ mùŋ do nàŋ kɔ̀!”

Nyɛ̀nɛ̀ŋ 25:25

Kɛɛ miŋ gò yɛ̀mɛ̀ è keì gbiŋ è yèɛ wò naŋ nyɛ̀nɛ̀ŋ lɛ wèè wo yɛ̀mɛ̀ è fàa; yèè nààŋ wuŋ bi naŋ dawè wèè wo Kànà Gbèè wɔŋ fùɔ̀ŋ anyùùŋ Luùm nyaŋ wouŋ gbaì, mìŋ naŋ ɗewè wèè kauŋ tùàŋ ko Luùm.

Nyɛ̀nɛ̀ŋ 27:11

Kɛɛ wo Juliɔ̀, wo kànà aŋ kààlòòɗùà nyaŋ naŋ wa nyimèè wèè e yèɛ wo nyuùŋ dùùnyàŋ wɔŋ meeèɔ yèè wo kɛ̀ɛ̀nɛŋ wuŋ nɔɔ̀ŋ naŋ wa woò lɛ, kɛɛ e fè wa è yèɛ wò Pɔɔ̀ naŋ wa woò lɛ.

Nyɛ̀nɛ̀ŋ 27:43

Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.

Nyɛ̀nɛ̀ŋ 27:6

Kuŋ wo nyùùŋ gbèè aŋ kààlòòɗùà nyaŋ naŋ wa mɛ̀ɛ̀ŋ wɔŋ meeè wɔ̀ŋ yewe ko Àlèzandilà wɔ̀ŋ yaà kɔ̀ɔ̀yɛ̀ ko Etelè. Yèè wò naŋ wi nyɛ̀nɛ̀ŋ eiŋ sɛ̀ɛ̀ wɔŋ meeè bi sùà.

Nyɛ̀nɛ̀ŋ 28:1

Nààŋ è naiŋ wa naàŋ jòwò ko tiwiì bòìbòì, è naiŋ wa kòmò kɛ̀ àŋ nyaaŋ ke tiɛ̀ɛŋ Maatà.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Hiɓu 13:24

Mìŋ zuumàŋ anyuùŋ gbeegbèèiŋ nyàŋ yèè anyùùŋ nɛɛmaŋ nyàŋ gbiŋ. Anyùùŋ màŋjɛ̀wɛ̀ Kanaà ko Etelè, naiŋ tɔ̀ùŋ zùùmo.